ەلباسى ۇمىتكەرلەرگە داۋىس بەرۋ ءۇشىن «پرايمەريز» جۇيەسىنە تىركەلدى

None
None
نۇر- سۇلتان. قازاقپارات - قازاقستاننىڭ تۇڭعىش پرەزيدەنتى-ەلباسى نۇرسۇلتان نازاربايەۆ «پرايمەريز» جۇيەسىنە تىركەلدى، دەپ حابارلايدى قازاقپارات.

«بۇگىن نۇرسۇلتان نازاربايەۆ كانديداتتاردىڭ سايلاۋالدى باعدارلاماسىمەن تانىسىپ، داۋىس بەرۋ پروتسەسىنە قاتىسۋ ۇشىن«پرايمەريز» اقپاراتتىق جۇيەسىندە اۆتوريازاتسيادان ءوتتى. وزدەرىڭىزگە بەلگىلى، پرايمەريزدىڭ ونلاين داۋىس بەرۋ ءراسىمى بيىلعى جىلدىڭ 1-3 -قازان ارالىعىندا وتەدى» دەپ جازدى ايدوس ۇكىباي Twitter پاراقشاسىندا.

ايتا كەتەيىك، پارتيا ليدەرى نۇرسۇلتان نازاربايەۆتىڭ تاپسىرماسىمەن «Nur Otan» پرايمەريزى ەلىمىزدىڭ پارتيالىق- ساياسي دامۋ تاريحىندا تۇڭعىش رەت رەسپۋبليكالىق پارتياىشىلىك سايلاۋ اۋقىمىندا وتەدى.

پارتيا ءتوراعاسىنىڭ ءبىرىنشى ورىنباسارى باۋىرجان بايبەك پرايمەريز - ەلباسى جاريالاعان «Nur Otan» پارتياسىن «قايتا جانداندىرۋدىڭ» ماڭىزدى بولىگى بولىپ تابىلاتىن پارتياىشىلىك دەموكراتيانىڭ زاماناۋي تەتىكتەرىنىڭ ءبىرى ەكەنىن اتاپ ءوتتى. كەيىننەن «Nur Otan» پارتياسىنىڭ ساياسي كەڭەسى بەكىتكەن، پارتياىشىلىك ىرىكتەۋدى وتكىزۋ ەرەجەسى جاريالاندى.

سوڭعى جاڭالىقتار