قاسىم- جومارت توقايەۆ جاپونيانىڭ جاڭا سايلانعان پرەمەر- ءمينيسترىن قازاقستانعا شاقىردى
جەدەلحاتتا جاڭا ۇكىمەت باسشىسىنىڭ ەل دامۋىنا جانە جاپون حالقىنىڭ بەرەكەسىن باياندى ەتۋگە، جاپونيانىڭ الەمدىك قاۋىمداستىقتاعى بەدەلىن ودان ءارى ارتتىرۋعا باعىتتالعان يگى ىستەرى مەن باستامالارىنىڭ تابىستى بولۋىنا تىلەكتەستىك بىلدىرگەن.
«قازاقستان مەن جاپونيا اراسىنداعى ءداستۇرلى دوستىق پەن ءوزارا قولداۋعا نەگىزدەلگەن مازمۇندى ساياسي ديالوگىمىزدى، ءارتۇرلى سالالارداعى جەمىستى ىنتىماقتاستىعىمىزدى ورىستەتە ءتۇسۋ ءۇشىن سىزبەن كۇش- جىگەر جۇمىلدىرۋعا دايىن ەكەنىمە سەندىرەمىن»، - دەپ جازىلعان جەدەلحاتتا.
مەملەكەت باسشىسى ەكى ەل اراسىنداعى قالىپتاسقان ستراتەگيالىق سەرىكتەستىكتى ودان ءارى نىعايتۋ ماقساتىندا، جاپونيانىڭ پرەمەر- ءمينيسترى يەسيحيدا سۋگانى قازاقستانعا ساپارمەن كەلۋگە شاقىرعان. قاسىم- جومارت توقايەۆ يەسيحيدا سۋگاعا اسا جاۋاپتى قىزمەتتە ساتتىلىك، جاپون حالقىنا قۇت- بەرەكە تىلەگەن.
