سولتۇستىك قازاقستاندا قۇس تۇماۋىنان قىرىلعان ءۇي جانۋارلارى ءۇشىن وتەماقى تولەنەدى
«ق ر ا ش م ۆەتەريناريالىق باقىلاۋ جانە قاداعالاۋ كوميتەتىنىڭ رەسپۋبليكالىق ەپيزووتياعا قارسى جاساعى قۇس تۇماۋىنان ولگەن ءۇي قۇستارىنىڭ يەلەرىنە كەلگەن شىعىن قۇنىن ورتاشا ايلىق نارىقتىق باعا نەگىزىندە تولەيدى. باعانى سولتۇستىك قازاقستان وبلىسى اكىمدىگى جانىنداعى ارنايى كوميسسيا انىقتايدى»، - دەپ حابارلادى ۆيتسە- مينيستر.
وتەماقى الۋ ءۇشىن مال يەلەرى ءوتىنىش بەرۋى كەرەك. اقشالاي قاراجات كارتاعا اۋدارىلادى. بۇل رەتتە زارداپ شەككەن جانۋارلاردىڭ ولەكسەسىنە كوميسسيالىق اكتى جاسالىپ، رەسمي تۇردە تىركەلۋى قاجەت.
«ولگەن قۇستىڭ ءار يەسى زاڭمەن بەلگىلەنگەن وتەماقىنى الۋى ءۇشىن ءبىز ءبىرىنشى كۇننەن باستاپ قۇستاردىڭ ءولىمىن جانە ولەكسەلەردى جويۋ اكتىلەرىن تىركەي باستادىق»، - دەپ تولىقتىردى گۇلميرا يسايەۆا.
ەستەرىڭىزگە سالا كەتەيىك، سولتۇستىك قازاقستان وبلىسىنىڭ جەتى اۋدانىندا اعىمداعى جىلدىڭ 9-16 - قىركۇيەك ارالىعىندا ءارتۇرلى ءۇي قۇستارىنىڭ ءولىمى تىركەلدى. قازىر وڭىردە جوعارى پاتوگەندى قۇس تۇماۋىنىڭ تارالۋىنا قارسى شارالار قابىلدانۋدا: ۆاكسينالار جەتكىزىلدى، ىندەت انىقتالعان اۋماقتار زالالسىزداندىرىلدى، ولگەن قۇستار جويىلۋدا. سونىمەن قاتار، بۇگىننەن باستاپ سولتۇستىك قازاقستان وبلىسىنىڭ تيميريازيەۆ، تايىنشا، جامبىل، قىزىلجار، شال اقىن، ع. مۇسىرەپوۆ، م. جۇمابايەۆ اۋدانىنان ءتىرى قۇس جانە ينكۋباتسيالىق جۇمىرتقا، مامىق پەن قاۋىرسىن، قۇس ەتى مەن قۇس شارۋاشىلىعى ونىمدەرىنىڭ بارلىق تۇرلەرىن، قۇستارعا ارنالعان جەمشوپ پەن جەمشوپ قوسپالارىن، سونداي- اق بۇرىن پايدالانۋدا بولعان قۇستاردى كۇتىپ- باعۋعا، سويۋعا جانە مۇشەلەۋگە ارنالعان جابدىقتاردى شىعارۋعا ۋاقىتشا شەكتەۋلەر ەنگىزىلدى.
ق ر ا ش م ۆەتەريناريالىق قاداعالاۋ جانە باقىلاۋ كوميتەتىنىڭ مالىمەتىنشە، اۋرۋ سولتۇستىك قازاقستان وبلىسىنىڭ اۋماعىنا جابايى قونىس اۋداراتىن قۇستاردان تاراعان دەگەن بولجام جاساپ وتىر.
ەسكە سالا كەتەيىك، ءبىز بۇعان دەيىن س ق و- نىڭ 7 اۋدانىندا قۇس تۇماۋىنىڭ وشاعى انىقتالعانىن، قۇس تۇماۋىنىڭ بەلەڭ الۋىنا بايلانىستى 10 ەلدىمەكەننىڭ كارانتينگە جابىلعانىن ايتقان ەدىك. وسىعان بايلانىستى س ق و- دا ءۇي قۇستارىنا قۇس تۇماۋىنا قارسى ۆاكسينا ەگىلەتىن بولدى.
اۆتور: بالنۇر قوجاگەلدى