اسەت يسەكەشيەۆ شاڭحاي ىنتىماقتاستىق ۇيىمىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ كەزدەسۋىنە قاتىستى
پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى اسەت يسەكەشيەۆ بەينەكونفەرەنسيا فورماتىندا وتكەن شاڭحاي ىنتىماقتاستىق ۇيىمىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ ون بەسىنشى كەزدەسۋىنە قاتىستى. قاتىسۋشىلار ش ى ۇ كەڭىستىگىندەگى قاۋىپسىزدىك سالاسىنداعى احۋالدى، «ءۇش قاستاندىققا» (تەرروريزم، ەكسترەميزم، سەپاراتيزم)، ەسىرتكىنىڭ زاڭسىز اينالىمىنا، ترانسشەكارالىق ۇيىمداسقان قىلمىسقا قارسى كۇرەستەگى ءوزارا ءىس- قيمىلدى تەرەڭدەتۋ، سونداي- اق حالىقارالىق اقپاراتتىق قاۋىپسىزدىكتى قامتاماسىز ەتۋ ماسەلەلەرىن تالقىلادى.
شارا بارىسىندا ش ى ۇ باس حاتشىسى مەن ش ى ۇ ءو ت ق ق اتقارۋشى كوميتەتى ديرەكتورىنىڭ تۇراقتى جۇمىس ىستەيتىن ورگاندارىنىڭ قىزمەتى تۋرالى باياندامالارى تىڭدالدى. اسەت يسەكەشيەۆ قاتىسۋشىلاردى COVID-2019 پاندەمياسىنا قارسى ءبىزدىڭ مەملەكەت تاراپىنان اتقارىلىپ جاتقان ءىس- قيمىلدار تۋرالى حاباردار ەتتى. سانيتارلىق- ەپيدەميولوگيالىق سيپاتتاعى قاۋىپتەردىڭ ەرەكشە وزەكتىلىگىن اتاپ ءوتىپ، سەرىكتەستەردى وسى سالادا ءوزارا ارەكەتتەسۋدى ءىس جۇزىندە جانداندىرۋعا شاقىردى.
قازاقستاننىڭ قاۋىپسىزدىك كەڭەسىنىڭ حاتشىسى تەرروريستىك، ەكسترەميستىك جانە وزگە دە قىلمىستىق ماقساتتاردا اقپاراتتىق تەحنولوگيالاردى كەڭىنەن قولدانۋ قاۋپىنىڭ ارتقانىنا نازار اۋداردى. وسى سىن- تەگەۋرىندەرگە قارسى كۇرەس اياسىندا قازاقستان تاراپى تەرروريزم مەن ءدىني ەكسترەميزم يدەولوگياسىنا قارسى ءىس- قيمىلعا جاردەم كورسەتۋ جونىندەگى ينتەرنەت- رەسۋرستار اكىمشىلىكتەرىنە ش ى ۇ- عا مۇشە مەملەكەتتەردىڭ بىرلەسكەن كومميۋنيكەسىن (ۇندەۋىن) ازىرلەۋدى ۇسىندى.
اسەت يسەكەشيەۆ ارىپتەستەرىن قازاقستان پرەزيدەنتى قاسىم- جومارت توقايەۆتىڭ بىلتىر بىشكەكتە وتكەن ش ى ۇ سامميتىندە ۇسىنعان ش ى ۇ اقپاراتتىق قاۋىپسىزدىك ورتالىعىن قۇرۋ باستاماسىن قولداۋعا شاقىردى. ەسىرتكىگە قارسى باعىت بويىنشا وڭىرلىك ءوزارا ءىس- قيمىلدىڭ، سونداي- اق ش ى ۇ حاتشىلىعى مەن ОАӨАҮО اراسىنداعى ىنتىماقتاستىق تۋرالى مەموراندۋمعا قول قويۋدى جىلدامداتۋ ماڭىزدى ەكەنى ايتىلدى.
شارا بارىسىندا قازاقستاننىڭ ش ى ۇ كەڭىستىگىندە قاۋىپسىزدىكتى قامتاماسىز ەتۋدىڭ بارلىق وزەكتى ماسەلەلەرى بويىنشا ىنتىماقتاستىقتى نىعايتۋ جانە قۇزىرەتتى مەملەكەتتىك ورگاندار جەلىسى بويىنشا ءوزارا ءىس- قيمىلدى ودان ءارى دامىتۋعا بەيىلدى ەكەنى ناقتىلاندى.