بيىل الماتىدا جارتى ميلليونعا جۋىق ادام تۇماۋعا قارسى تەگىن ۆاكسينا الادى

الماتىدا 430 مىڭ تۇرعىندى تۇماۋعا قارسى ۆاكسينالاۋ جوسپارلانعان. ولاردىڭ اراسىندا:

- 65 جاستان اسقان 264652 ادام؛

- سوزىلمالى اۋرۋى بار 125549 ادام؛

- ءجيى اۋىراتىن 19281 بالا؛

- 9310 مەديتسينا قىزمەتكەرى؛

- جۇكتىلىكتىڭ 2- نەمەسە 3- تريمەسترىندەگى 7472 جۇكتى ايەل؛

- جەتىم بالالار مەن اتا- اناسىنىڭ قامقورلىعىنسىز قالعان بالالارعا ارنالعان ءبىلىم ۇيىمدارىنىڭ، سابيلەر ءۇيىنىڭ 2289 بالاسى؛

- مەديتسينالىق- الەۋمەتتىك مەكەمەدەن قىزمەت الاتىن 1447 ادام بار.

«قاۋىپ توبىنداعى ادامداردى تەگىن ۆاكسينالاۋ ءۇشىن ءار ادام تىركەلگەن ورنى بويىنشا ەمحانانىڭ تىركەۋ بولىمىنە حابارلاسىپ، تەراپيەۆتىڭ قابىلداۋىنا جازىلۋى قاجەت. كاتارالدى قۇبىلىستاردىڭ جوقتىعىن راستاۋ ءۇشىن تەراپيەۆتىڭ تەكسەرۋىنەن وتكەن ءجون» دەلىنگەن اكىمدىك تاراتقان حابارلامادا.

قوسىمشا اقپارات الۋ ءۇشىن 3000505 (727) 8 نومىرىندەگى call-ورتالىققا حابارلاسۋعا بولادى.

ايتا كەتەيىك، تۇماۋعا قارسى ۆاكسينا ج ر ۆ ي اۋرۋىنىڭ ءوسىمىن ازايتۋ جانە تۇماۋ ۆيرۋسىنىڭ، كوروناۆيرۋس ينفەكسياسىنىڭ تارالۋىنا جول بەرمەۋ ءۇشىن قاجەت. بۇل اۋرۋ كەيىننەن پنيەۆمونياعا دەيىن اسقىنۋى مۇمكىن.

اۆتور: الما مۇقانوۆا