عالىمدار كوروناۆيرۋستى جويىپ جىبەرەتىن قۇرال ويلاپ تاپتى

زەرتتەۋ جۇمىسى Cell عىلىمي جۋرنالىندا جاريالاندى.

عالىمدار SARS- CoV-2 ۆيرۋسىن تولىعىمەن بەيتاراپتاندىراتىن ەڭ كىشكەنتاي بيولوگيالىق مولەكۋلانى انىقتادى. انتيدەنەنىڭ بۇل بولىگى تولىق ولشەمدى انتيدەنەدەن 10 ەسە كىشكەنتاي. ول Ab8 پرەپاراتىن جاساۋ بارىسىندا قولدانىلىپتى.

زەرتتەۋشىلەردىڭ ايتۋىنشا، Ab8 تىشقاندار مەن اتجالمانداردى (حومياك) SARS- CoV-2 ۆيرۋسىنان ەمدەۋ جانە الدىن الۋ كەزىندە ءتيىمدى ەكەنىن كورسەتكەن. ونىڭ وتە كىشكەنتاي بولۋى ۆيرۋستى جويادى. سونداي- اق، ءدارىنىڭ بالاما نۇسقالارىن دايىنداۋعا اتاپ ايتقاندا ينگالياتسيا ارقىلى ەنگىزۋگە مۇمكىندىك بەرەدى.

«Ab8 پرەپاراتى COVID-19-دى ەمدەۋدە پوتەنتسيالى جوعارى ەكەنىن كورسەتتى. سونداي-اق، ونى ادامدار اراسىندا SARS- CoV-2 ينفەكسياسىن جۇقتىرۋدىڭ الدىن الۋ ءۇشىن پايدالانۋعا بولادى»، - دەيدى زەرتتەۋگە قاتىسقان عالىمنىڭ ءبىرى دجون مەللورس.