اقتاۋلىق تۇرعىن ءوزى تۇراتىن ءۇيدىڭ كىرەبەرىسىن ەرەكشە قىلىپ بەزەندىرگەن - ۆيدەو

None
None

اقتاۋ. قازاقپارات- اقتاۋلىق تۇرعىن ءۇيىنىڭ كىرەبەرىسىن ءوز قولىمەن ەرەكشە ساندەپ قويعان. تۇرعىن قۇرىلىس قالدىقتارىن كادەگە جاراتىپ، قابىرعانى زاماناۋي ۇلگىدە بەزەندىرگەن.

موزايكالار قۇراستىرىپ، ءارتۇرلى كارتينالاردى ءىلىپ قويعان. 5-شاعىناۋداننىڭ 22-ۇيىندەگى 4-قاباتى ءبىر كورگەن ادامعا ونەر گالەرەياسى سياقتى.

«وسىلاي بەزەندىرۋگە پودەزدەردىڭ سۇرىقسىز كەلبەتى اسەر ەتتى. قارا بوياۋمەن سالىنعان، سىزىلعان ءتۇرلى جازۋلار دا بار. سوسىن ءوز قولىممەن بەزەندىرۋگە كىرىستىم. اكتەپ، سىرلاپ، كافەلدەردى جابىستىردىم. كارتينالاردى تاۋىپ الىپ كەلدىم. قازىر ءوزىمنىڭ جاساعانىما جالعىز مەن ەمەس، كورشىلەرىم دە ءدان ريزا. سەبەبى، ءار ادام ۇيىنە كەلگەندە كوڭىل كۇيى كوتەرىلۋى كەرەك. ەندى قاراساڭىز، ءبىر دەمالىپ قالاسىز»، - دەيدى سەرگەي ناۋموۆ.

اۆتور سەرگەي ناۋموۆتىڭ ايتۋىنشا، ودان «بۇل ءۇي قوناق ءۇي مە؟» دەپ سۇراعاندار دا بولىپتى. 1 جىل ىشىندە جوندەۋ جۇمىستارىن جۇرگىزىپ، ەرەكشە ۇلگىدە بەزەندىرگەن سەرگەي ناۋموۆتىڭ ەڭبەگىنە كورشىلەرى دە ريزا.



اۆتور: اياۋلىم التىنبەك


سوڭعى جاڭالىقتار