قازاق اكتەرى قىتايداعى كينوفەستيۆالدە ۇزدىك اتاندى - شەتەلدەگى قازاق ءتىلدى ب ا ق- قا شولۋ

دەزينفەكتسيالىق تۋننەلدەر كوروناۆيرۋسپەن كۇرەستە پايداسىز - «ءو ز ا» اقپاراتتىق اگەنتتى

الەمدىك پاندەميا كەزىندە ۆيرۋستان ساقتانۋ ماقساتىندا ورناتىلعان دەزينفەكتسيالىق تۋننەلدەر كوروناۆيرۋسپەن كۇرەستە پايداسىز دەپ تابىلىپ، ءتىپتى ونىڭ ادام اعزاسىنا كەرى اسەرى بار ەكەنى ايتىلعان، دەپ جازادى «ءو ز ا» اقپاراتتىق اگەنتتى. وزبەكستاندىق ب ا ق- تىڭ كەلتىرگەن دەرەگىنە سۇيەنسەك، قازىرگى ۋاقىتتا دەزينفەكتسيالىق تۋننەلدەر كەز- كەلگەن مەكەمە نەمەسە قوعامدىق تاماقتانۋ ورىندارى، اۋەجاي، تەمىرجول ۆوكزالى، بازار، سۋپەرماركەتتەر سىندى عيماراتتار الدىندا ورناتىلعان. ال ونىڭ كوروناۆيرۋسپەن كۇرەستە پايداسىز ەكەنى ايتىلىپ، ءتىپتى ادام اعزاسىنا كەرى اسەرى بار ەكەنى جايلى ەلدىڭ دەنساۋلىق ساقتاۋ مينيسترلىگى حابارلاپ، مەكتەپتەردە مۇنداي تۋننەلدەر ورناتۋعا تىيىم سالعان. رەسپۋبليكالىق مامانداندىرىلعان اللەرگولوگيا عىلىمي- پراكتيكالىق مەديتسينالىق ورتالىعىنىڭ ديرەكتورى، مەديتسينا عىلىمدارىنىڭ دوكتورى يلميرا رازيقوۆا وسىنداي تۋننەلدەردىڭ ادام اعزاسىنا تيگىزەتىن زيانىن زەرتتەپ، ونى راستاعان.

«ءبىر ازامات كۇنى بويى بەلگىلى ءبىر سەبەپتەرمەن قايتا- قايتا وسى تۋننەلدەن وتۋگە تۋرا كەلۋى مۇمكىن. ءبىر قالىپتى قولدانىلاتىن كەز- كەلگەن حيميالىق زات ادام اعزاسىندا اللەرگيالىق جاعداي تۋعىزادى. ال ونىڭ اسەرى وتە قاۋىپتى بولۋى مۇمكىن. ەڭ الدىمەن بۇل جوعارعى تىنىس جولدارىنىڭ قىزارۋىنان باستاپ جەڭىل كۇيۋىنە دەيىنگى جاعدايلاردى تۋدىرادى. ونىڭ ناتيجەسسىندە اللەرگيالىق رينيتكە، كونيۋنكتيۆيتكە، برونحيتكە جانە ءتىپتى ادامنىڭ اۋىر اۋرۋىنا - برونح دەمىكپەسىنە اكەپ سوعۋى مۇمكىن. سوندىقتان مۇنداي تۋننەلدەردى ورناتۋ قاجەت ەمەس. ونىڭ ءتيىمسىز ەكەنىن دۇنيەجۇزىلىك دەنساۋلىق ساقتاۋ ۇيىمى دا مۇنداي پايدالى تاراپى دالەلدەنبەگەنىن ايتتى، دەگەن ساراپشى. مۇنىڭ ورنىنا مەكەمە الدىندا ىشكە ەنۋ كەزىندە ادامدار ءبىر- بىرىنەن قاشىقتىقتى ساقتاۋ، تەمپەراتۋرانى ولشەۋ، قولدى اديسەپتيكپەن تازارتۋى ۇسىنىلعان»، دەپ جازادى «ءو ز ا» اقپاراتتىق اگەنتتى.

قانداسىمىز «ەڭ ۇزدىك ەر ادام ءرولى» سىيلىعىن ەنشىلەدى - قىتايدىڭ «ورتالىق حالىق راديوسى» (CNR)

قىتايدىڭ XV چاڭچۇن بۇكىل مەملكەتتىك كينوفەستيۆالىنىڭ جەڭىمپازدارىنىڭ ەسىمى جاريالاندى، دەپ جازادى قىتايدىڭ «ورتالىق حالىق راديوسى».

اتالعان ب ا ق- تىڭ دەرەگىنشە، كينوفەستيۆالگە قاتىسقان «ءداۋىر اعىسىندا» اتتى كارتينادا باس ءرولدى سومداعان قايرات عالىم ۇلى قىتايدىڭ «ەڭ ۇزدىك ەر ادام ءرولى» سىيلىعىن ەنشىلەگەن.

«بۇل «ءداۋىر اعىسىندا» اتتى فيلم شىنجاڭ ۇيعۇر اۆتونوميالى ولكەسى ۇگىت ءبولىمى، شىنجاڭ اقپارات باسپا ءسوز- راديو- تەليەۆيزيا مەكەمەسى مەن شىنجاڭ تيان- شان كينوستۋدياسى بىرلەسىپ تۇسىرگەن. فيلمدە قىتاي قازاقتارىنىڭ رەفورما داۋىنە سايكەسىپ، زامانعا ساي دامۋ وزگەرىسى، كوشپەندى تۇرمىستان بىرتىندەپ وتىراقتى ومىرگە بەت الۋى، جاڭا داۋىردەگى تۇرمىس- تىرشىلىگى بەينەلەنگەن»، دەپ جازادى قىتايدا شىعاتىن ب ا ق.

5 مىڭ 200 -جىلدىق كەراميكا ولجالار تابىلدى - TRT

مەحمەت كۋلاز ب. ز. د 3200- جىلدارىندا قولدانىلعان كاراز مادەنيەتىنە تيەسىلى كەراميكا ولجالاردى تاپقان، دەپ حابارلايدى تۇركيا راديو تەليەۆيزيا پورتالى.

تۇركيالىق ب ا ق- تىڭ كەلتىرگەن دەرەگىنە سۇيەنسەك، بيتليستەگى كونە احلات قالا ءىشى قورعانىندا جۇرگىزىلگەن قازبا جۇمىستارىندا كاراز مادەنيەتىنە تيەسىلى انىقتالعان 5 مىڭ 200 -جىلدىق كەراميكا ولجالار تابىلعان.

«احلات مۇراجاي باسقارماسى تاراپىنان حارابەشەحير وڭىرىندەگى ۇڭگىرلەردىڭ ۇستىڭگى جاعىنداعى جارتاستار ۇستىندە سالىنعان ىشكى قورعاندا باستالعان قازبا جۇمىستارى جالعاسۋدا. قازبا جۇمىستارعا باسشىلىق ەتكەن دوتسەنت مەحمەت كۋلاز ب. ز. د 3200- جىلدارىندا قولدانىلعان كاراز مادەنيەتىنە تيەسىلى كەراميكا ولجالاردى تاپقاندارىن ايتتى»، دەپ مالىمدەيدى TRT.

كەر زامانداعى كەدەيشىلىك – Kaznews

موڭعوليالىق Kaznews اقپاراتتىق پورتالىندا وسىنداي تاقىرىپتاعى ماقالا جارىق كوردى. بۇل جازبادا اۆتور موڭعول ەلىنىڭ قازىرگى ەكونوميكالىق جاعدايى تۋرالى ءوز ويىن ايتادى.

«قازىرگى تاڭدا مەملەكەتتىك جۇمىسشىلاردىڭ كوپشىلىگى، مالشىلاردىڭ كوپشىلىگى كەدەي ادامنىڭ قاتارىنا كىرەدى. جالپى موڭعول ەلىندە 3 ميلليون جارىم ادام بار دەلىك. وسىنىڭ ءبىر ميلليونى كەدەي. جۇمىسسىزى دا كەدەي، مالشىسى دا كەدەي، ۇكىمەتتىك قىزمەتكەرى دە كەدەي. جۇمىسسىز ادامنىڭ كەدەي بولاتىنى تۇسىنىكتى، ال، ۇكىمەتتىك قىزمەتكەرلەرگە نە جوق دەپ تاڭعالۋىڭىز مۇمكىن»، دەپ باستايدى ءسوزىن ماقالا اۆتورى.

اۆتور ءوز ەلىندەگى قازىرگى ەكونوميكالىق جاعدايدىڭ تۇراقسىزدىعى تۋرالى ايتا كەلىپ، جۇمىسسىزدىقتى، كەدەيشىلىكتى جويۋدىڭ ەڭ دۇرىس جولى - شاعىن جانە ورتا كاسىپكەرلىكتى دامىتۋ دەپ ەسەپتەلەتىنىن ايتادى.

«.. .ۇلان- بايتاق موڭعولدىڭ كەڭ دالاسىندا نەبارى 3 ميلليون حالىق كەدەيشىلىكتە ءومىر سۇرگەنىنە ءىشىڭ كۇيەدى. «كەڭ دالاعا سيماي جۇرگەنىمىز جوق، سيىسا الماي ءجۇرمىز عوي» دەمەكشى جەر بايلىعىن يگەرە المايىنشا، حالىق كوزىن اشىپ، ۇيقىدان ويانبايىنشا كەدەيشىلىك ەشقاشان جويىلمايدى»، دەپ تۇيىندەيدى اۆتور.

اۆتور: بەيسەن سۇلتان