قازاق قىزى «قىتاي داۋىسى» مۋزىكالىق جوباسىندا ءساتتى ونەر كورسەتتى
قىتايداعى تالانتتار شوۋى اتانعان تەلەۆيزيالىق جوبادا ءانشى ءمادينا دۋمان قىزى «قارىزدار ەمەسپىن» اتتى ءاندى قىتاي تىلىندە ورىنداپ، تالىمگەرلەر مەن كورەرمەندەردىڭ جوعارى باعاسىنا يە بولعان. اتالعان جوبا قىتايدىڭ «جىجياڭ» تەلەارناسىندا كورسەتىلىپ جاتىر.
ءمادينا دۋمان قىزى - 2000 - جىلى قىتايدىڭ تارباعاتاي ايماعى شاۋەشەك قالاسىندا تۋعان. قازىرگى كۇنى شيان مۋزىكا ينستيتۋتىندا ءبىلىم الۋدا. جاس ءانشى وسى ۋاقىتقا دەيىندە ءتۇرلى ونەر بايقاۋلارىنا قاتىسىپ، ءوز تالانتىمەن جۇرتقا تانىلىپ ۇلگىرگەن.
ول 2016 -جىلى قىتايداعى شىڭجان قازاقتارىنىڭ اراسىنداعى تانىمال ونەر بايگەسى سانالاتىن، شىڭجاڭ ت ۆ وتكىزگەن «كۇمىس كومەي» جوباسىندا باس جۇلدەنى جەڭىپ العان. سونىمەن بىرگە وسى جوبادا «حالىقتىڭ قالاۋىنان شىققان ۇزدىك ءانشى» بولىپ باعالانىپ، وسى اتالىمدار بويىنشا جۇلدەگە تىگىلگەن ەكى بىردەي تەمىر تۇلپاردى قانجىعاسىنا بايلادى. سونداي- اق، قازاقستاندا وتكەن «شابىت» حالىقارالىق شىعارماشىل جاستار فەستيۆالىنە قاتىسىپ اتاۋلى سىيلىقتى جۇلدەمەن ماراپاتتالعان. 2019 -جىلى قىتايدىڭ ورتالىق راديوسى مەن تەلەديدارى ۇيىمداستىرعان ونەر بايقاۋىندا جانە شەنسي پروۆينسياسى وتكىزگەن بايقاۋلاردا جۇرتشىلىقتى ءوز تالانتىمەن تاعى دا ءتانتى ەتتى.
اۆتور: باقىتجول كاكەش