سولتۇستىك قازاقستاندا جۇمىس كۇشى جەتىسپەيدى

اكىمدىك وتىرىسىندا ايماق باسشىسى الەۋمەتتىك سالاعا جەتەكشىلىك ەتەتىن ءوزىنىڭ ورىنباسارى گاني نىعمەتوۆكە جول قۇرىلىسى ماماندارىن دايارلاۋدى تاپسىردى.

«جىل سايىن جول قۇرىلىسىنداعى جۇمىستار كوبەيگەندىكتەن، بىزدە جۇمىس كۇشى تاپشى. باسقا وڭىرلەردەن جۇمىسشىلاردى تارتۋعا تۋرا كەلدى. بۇل دۇرىس ەمەس. ءوز وڭىرىمىزدەن جۇمىس كۇشىن تارتۋىمىز كەرەك. جۇمىس كولەمى از بولمايدى»، - دەدى ق. اقساقالوۆ.

وبلىس اكىمىنىڭ ايتۋىنشا، قۇرىلىس سالاسىنداعى جۇمىس كولەمىنىڭ ءوسىمى مەردىگەر ۇيىمداردى جۇمىسپەن قامتۋعا مۇمكىندىك بەردى.

«ەكى جىل بۇرىن جول جوندەۋ جۇمىستارىنا 21 كومپانيا تارتىلعان بولاتىن، ولاردىڭ تەك جارتىسى عانا بىزدە ورنالاسقان، دالىرەك ايتساق، سولتۇستىك قازاقستاندا تىركەلگەن. بيىل ءاربىر ءتورت مەردىگەردىڭ ۇشەۋى - ءبىزدىڭ جەرگىلىكتى كومپانيالار. ناتيجەسىندە جەرگىلىكتى مەردىگەرلەردى جۇمىسپەن قامتاماسىز ەتۋ ارقىلى سالىق بازاسى ارتىپ، بيزنەس داميدى. مەملەكەتتىك قولداۋدىڭ جانە جاڭا جۇمىس ورىندارىنىڭ ارقاسىندا ءبىز بيۋجەتتىڭ كىرىس بولىگىن %170 اسىرا ورىندايمىز. بۇل ەڭ الدىمەن سالىقتار ەسەبىنەن»، - دەپ اتاپ ءوتتى ق. اقساقالوۆ.