شىمكەنتتە ازيادا تەڭدەسى جوق سپورت كەشەنى تۇرعىزىلىپ جاتىر

بۇل ورتالىقتا ءتىپتى الەم چەمپيوناتىن وتكىزۋگە مۇمكىندىك بار. بۇل تۋرالى قالالىق دەنە شىنىقتىرۋ جانە سپورت باسقارماسىنىڭ باسشىسى مالىمدەدى. قالاداعى مەرگەندەر الاڭى الداعى ۋاقىت جاڭا كەيىپكە ەنەدى. سپورت كەشەنىندە قازىر قۇرىلىس قارقىندى. وندا بىرنەشە سپورت زال، اتۋ زالى جانە دەمالىس ورنى بولادى.

«شۋت ين پلازا» دەپ اتالاتىن كەشەننىڭ اۋماعى 14 گەكتار. جوبا قۇنى 1,5 ميلليون دوللار. ءساتىن سالسا، نىسان قازان ايىندا قولدانىسقا بەرىلەدى. ازىرگە ستەندتىك وق اتۋ بۇرىشىنىڭ قۇرىلىسى اياقتالدى. سپورت باسقارماسى 4 جىلعا جوسپار دايىنداپتى. وندا اۋلا سپورتىن دامىتۋ جايى باستى نازارعا الىنعان.

ولەگ پوچيۆالوۆ، قالالىق دەنە شىنىقتىرۋ جانە سپورت باسقارماسىنىڭ باسشىسى:

- بۇل سپورت كەشەنىندە باستىرما جوق. جوعارىدان، جان- جاقتان ەش قيىندىقسىز ۆيدەو ءتۇسىرۋ ءۇشىن وسىلاي جاسادىق. بارلىعى دا حالىقارالىق فەدەراتسيا تالاپتارىنا شاقتالعان. سونداي- اق، الاڭ تولىقتاي اۆستريالىق تەحنولوگيامسەن جابدىقتالعان. ونلاين ترانسلياتسيا ارقىلى سپورتشىلار ناتيجەسىن، جاتتىقتىرۋشىلار كەلىسپەيتىن تۇستارىن شەشەمىز.

www.24.kz