19:47, 06 - تامىز 2020 | GMT +6
فلويد مەيۆەزەرگە گەننادي گولوۆكينمەن جەكپە- جەك وتكىزۋدى ۇسىندى
نۇر- سۇلتان. قازاقپارات - «Boxingnews24.com» سايتىنىڭ اۆتورى اللان فوكس اتى اڭىزعا اينالعان فلويد مەيۆەزەرگە (50-0, 27 ك و) گەننادي گولوۆكينمەن (40-1-1, 35 ك و) جەكپە- جەك وتكىزۋدى ۇسىندى، دەپ حابارلايدى قازاقپارات Sports.kz-كە سىلتەمە جاساپ.
«مەيۆەزەردىڭ مما سپورتشىسىمەن وتكىزگەن جەك- جەگى سياقتى تاعى ءبىر قىزىقتى سايىستى تاماشالاۋ ادامعا ەرەكشە اسەر سىيلايدى. ەگەر ول ەررول سپەنس، گەننادي گولوۆكين، كانەلو الۆارەس نەمەسە تەرەنس كروۋفورد سياقتى ۇزدىك بوكسشىلارمەن جۇدىرىقتاسسا، وندا ول جانكۇيەرلەردى قىزىقتىرا الار ەدى. دەگەنمەن، ول ءوزىنىڭ كاسىبي كارەراسىن اياقتاپ، ەندى جەكپە- جەككە ورالمايتىنىن مالىمدەدى»، - دەپ جازدى اۆتور.
ەسكە سالا كەتەيىك، گەننادي گولوۆكيننىڭ جەكپە- جەگى قازان ايىندا وتەدى دەپ كۇتىلۋدە. ول پولياك بوكسشى كاميل شەرەمەتامەن جۇدىرىقتاسادى. بۇل جەكپە- جەكتە گولوۆكين 2019 -جىلدىڭ قازان ايىندا جەڭىپ العان ورتا سالماقتاعى IBF چەمپيوندىق بەلبەۋىن قورعايدى.