الماتىنى گازداندىرۋ قاشان اياقتالادى

«بىلتىر 2020 -جىلى قالا تولىق گازداندىرىلادى دەپ ايتىپ جۇرگەن بولاتىنبىز. قازىر قالادا ءتۇرلى جاڭا ۇيلەر سالىنىپ جاتىر، كۇن ساناپ عيمارات سانى ارتىپ كەلەدى. ەندى گازبەن قامتۋ 2021 -جىلى تولىق اياقتالادى. ينجەنەرلىك تۇرعىن ءۇي قۇرىلىسىنا راسىمدەلگەن جەرلەر كوپ، الايدا ولار ءالى سالىنىپ جاتىر»، - دەدى قالالىق ەنەرگوتيىمدىلىك پەن ينفراقۇرىلىمدىق دامۋ باسقارماسىنىڭ باسشىسى اسەت ماسابايەۆ.

ونىڭ ايتۋىنشا، قۇرىلىس جۇمىستارى جەتىسۋ، الاتاۋ، مەدەۋ، تۇركسىب، ناۋرىزباي اۋداندارىندا قىزىپ جاتىر. وسى اۋداندارداعى كوپتەگەن ۇيلەر كەزىندە الماتى وبلىسىنا قاراستى بولعان.

«قازىر «قازترانسگاز ايماق» جشس جاڭا جوبالاردى جۇزەگە اسىرىپ جاتىر. ەكى جىلدا بارلىق ۇيلەرگە ورتالىق گازبەن قامتۋ جۇيەسى تارتىلادى»، - دەدى ول. سونىمەن قاتار، الماتىلىقتارعا بيىلدان باستاپ گاز كىرگىزۋگە پايىزسىز نەسيە بەرىلەدى. قۇجاتتار 10-تامىزدان باستاپ قابىلدانادى.