19:28, 05 - تامىز 2020 | GMT +6
الماتى- نۇر- سۇلتان جولىن جاڭعىرتۋعا قانشا قاراجات ءبولىندى
نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ ءتوراعاسى سايرانبەك بارماقوۆ «الماتى- نۇر- سۇلتان» جولىن جاڭعىرتۋعا قانشا قاراجات بولىنگەنىن جاريا ەتتى، دەپ حابارلايدى قازاقپارات ءتىلشىسى.
«الماتى- نۇر- سۇلتان» اۆتوموبيل جولىنا قاتىستى ايتار بولسام، بۇگىنگى كۇنى قاراعاندىدان الماتىعا دەيىنگى ۇزىندىعى 879 شاقىرىم بولاتىن ۋچاسكەدە جاڭعىرتۋ جۇمىستارى جۇرگىزىلىپ جاتىر. بۇل جولدى جاڭعىرتۋعا 12 ميلليارد تەڭگە بولىنگەن»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول اتالعان جولدىڭ كەيبىر ۋچاسكەلەرى نەلىكتەن ناشار ەكەندىگىن ايتتى.
«الماتىدان بەرى 96 شاقىرىم جولدىڭ جاي- كۇيى ناشارلاۋ. دەگەنمەن، ول جەردە جولدى كۇتىپ ۇستاۋ جۇمىستارى جۇرگىزىلەدى. جوندەۋسىز پايدالانۋ مەرزىمى اياقتالىپ كەلە جاتىر. سوندىقتان ورتاشا جوندەۋ جاسالادى»، - دەدى سايرانبەك بارماقوۆ.
اۆتور: مارلان جيەمباي