قۇمار اقساقالوۆ: جەردەن ىرزىق تاپقان شارۋالار اۋىلدىڭ كوركەيۋىنە ۇلەس قوسۋى كەرەك

None
None
پەتروپاۆل. قازاقپارات - سولتۇستىك قازاقستان وبلىسىندا بيىل 270 ەلدى مەكەندە جوندەۋ جۇمىستارى جۇرگىزىلىپ جاتىر.

قۇمار اقساقالوۆ كاسىپكەرلەردى الەۋمەتتىك جاۋاپكەرشىلىك تانىتىپ، اۋىلداردى كوركەيتۋگە ات سالىسۋعا شاقىردى، دەپ حابارلايدى قازاقپارات ءتىلشىسى.

س ق و اكىمى قۇمار اقساقالوۆتىڭ ايتۋىنشا، اۋىل شارۋاشىلىعىن دامىتۋعا مەملەكەتتەن قارجىلاي قولداۋ بار. نارىقتا ءبيداي باعاسى دا بىلتىرعىمەن سالىستىرعاندا %38 ارتقان. بۇگىندە ءبيدايدىڭ تونناسى - 82,5 مىڭ تەڭگە، ارپا - 62,2 مىڭ تەڭگە، زىعىر - 179,2 مىڭ تەڭگە، راپس 176,5 مىڭ تەڭگە تۇرادى.

«اۋىل شارۋاشىلىعى تاۋارىن وندىرۋشىلەر قارسى مىندەتتەمەلەردى ۇمىتپاۋى قاجەت. بيىل بۇل سالا جۇمىسشىلارىنىڭ ەڭبەكاقىسى ەڭ كەمىندە %20 ءوسۋى كەرەك. سونداي-اق شارۋالار ەلدىمەكەندەردى جاڭعىرتۋ جانە اباتتاندىرۋ جۇمىستارىنا بەلسەندى قاتىسۋلارى ءتيىس. قازىر 270 اۋىلدا اعىمداعى جوندەۋ جۇمىستارى جۇرگىزىلىپ جاتىر. ولاردىڭ قاتارىن جان-جاقتى قولداۋ كورىپ وتىرعان ءبىزدىڭ كاسىپكەرلەردىڭ الەۋمەتتىك جاۋاپكەرشىلىگى ارقاسىندا ارتتىرا الامىز. الدا ءالى ەكى اي بار. وسى ارالىقتا ەلدىمەكەندەردى قوقىستان، جارتىلاي بۇزىلعان عيماراتتاردان تازارتۋ قاجەت»، - دەيدى قۇمار اقساقالوۆ.

ءوڭىر باسشىسىنىڭ پىكىرىنشە، مەملەكەتتەن قولداۋ جاقسى بولعانىمەن، سونى تۇسىنبەيتىندەر، ىرزىق-نەسىبەسىن كورىپ وتىرعان جەرگە ءجۇردىم-باردىم قارايتىندار دا بار. بۇگىندە سۋبسيديا جەردى باپتاعاندارعا دا، وعان دۇرىس قارامايتىندارعا دا بەرىلىپ كەلەدى. «جەرمەن جۇمىس ىستەيتىن شارۋالارعا سۋبسيديا ءبولۋ ءتارتىبى قايتا قارالۋى كەرەك. ىسىنە شالا قارايتىن كاسىپكەرلەردى قولداۋدىڭ قاجەتى جوق. كەشەندى تۇردە جۇمىس ىستەپ، تۇقىمدى جانە تەحنيكانى جاڭالايتىن، مينەرالدى تىڭايتقىش پايدالاناتىن، ناتيجەسىندە جاقسى ءونىم الاتىندارعا عانا كومەكتەسۋ كەرەك. بۇل ماسەلە جاقىندا قارالۋى كەرەك»، - دەيدى وبلىس اكىمى.

سوڭعى جاڭالىقتار