انتيبيوتيك ناۋقاستىڭ يممۋنيتەتىن ودان ءارى تومەندەتەدى - دارىگەر
«قازىرگى ۋاقىتتا ك ۆ ي جۇقتىرعانداردىڭ ەش قاداعالاۋسىز انتيبيوتيك قابىلداپ جاتقانىن بايقادىق. انتيبيوتيكتەر اعزانىڭ يممۋندىق جاۋابىن قالىپتاستىرۋعا قاجەتتى ىشەك ميكروفلوراسىن بۇزادى. سايكەسىنشە، پاتسيەنتتىڭ يممۋنيتەتى ودان ءارى تومەندەي تۇسەدى. ودان بولەك، قاجەتسىز انتيبيوتيكتى تاعايىنداۋ - ميكرواعزالاردى باكتەرياعا قارسى زاتتارعا تۇراقتى جانە ءتوزىمدى ەتەدى. بۇل - وتە وزەكتى جاھاندىق ماسەلە دەۋگە بولادى، ادام بويىندا انتيبيوتيكتى سەزبەيتىن ميكرواعزالار شتاممى پايدا بولادى جانە كەلەشەكتەگى باكتەريالىق ينفەكتسيالاردى ەمدەۋ ىسىنە ىقپال ەتەدى»، - دەدى دارىگەر ورتالىق كوممۋنيكاتسيالار قىزمەتىندە وتكەن ونلاين كونفەرەنسيادا. سونىمەن بىرگە، دارىگەر اۋىر ينفەكسيالاردا عانا قولدانىلاتىن رەزەرۆتى انتيبيوتيكتەردىڭ دە پايدالانىلىپ جاتقانىنا الاڭداۋشىلىق ءبىلدىردى.
«وعان جول بەرۋگە بولمايدى، سەبەبى پاتسيەنتتىڭ جاعدايىن ودان ءارى اۋىرلاتۋى مۇمكىن. باكتەريالىق كومپونەنت بولعان كەزدە كوروناۆيرۋستى انتيبيوتيكتەرمەن تەك دارىگەردىڭ نۇسقاۋىمەن عانا ەمدەۋ قاجەت»، - دەدى ر. قارابايەۆا. بۇعان دەيىن دارىگەر ك ۆ ي سيمپتومسىز جانە سيمپتومى از ناۋقاستاردىڭ ۇيدە ەمدەلۋ جولدارىن تۇسىندىرگەن ەدى.
اۆتور: ايجان سەرىكجان قىزى