استانادا رەيد: كارانتين شارالارىن بۇزعاندار جاۋاپقا تارتىلدى

None
None
نۇر-سۇلتان. قازاقپارات - ەلوردالىق پوليتسيا قىزمەتكەرلەرى كارانتين كەزىندە مەرەكەلەر وتكىزۋ جانە سانيتارلىق تالاپتاردى ساقتاماعان نىسانداردىڭ يەلەرىن جاۋاپكەرشىلىككە تارتۋدا، دەپ حابارلايدى قازاقپارات ءتىلشىسى.

«باس سانيتار دارىگەردىڭ نۇر-سۇلتاندا قاتاڭ شەكتەۋ شالارىن ەنگىزۋ تۋرالى قاۋلىسىنا قاراماستان، كوپتەگەن ازامات بۇل تالاپتاردى قاساقانا ەلەمەيدى. وسىعان وراي نۇر-سۇلتان پوليتسياسى سانيتارلىق تالاپتاردىڭ ساقتالۋىنا رەيد جۇرگىزۋدە. ماسەلەن، 7-شىلدە كۇنى تۇنگى ساعات 02.28-دە ماناس كوشەسى بويىنداعى ازىق-تۇلىك دۇكەنى جۇمىس ىستەپ، الكوگول ونىمدەرىن ساتقان. اتالعان دۇكەننىڭ جانىندا قوعامدىق ورىندا الكوگول سۋسىنىن ىشكەن ازامات ۇستالدى. اتالعان فاكتى بويىنشا ق ر ا ق ب ك 440-بابى 1-تارماعى بويىنشا اكىمشىلىك حاتتاما تولتىرىلدى»، - دەلىنگەن قالالىق پوليتسيا دەپارتامەنتى تاراتقان اقپاراتتا.

ۆەدومستۆو مالىمەتىنشە، سونىمەن قاتار كەشە تۇنگى ساعات 02.35 تە قاجىمۇقان كوشەسىندەگى ءدامحانالاردىڭ ءبىرىنىڭ كارانتين شارالارىن بۇزۋ فاكتىسى تىركەلدى. اتالعان ءدامحانادا ءبىر توپ جاس تۋعان كۇندى اتاپ وتكەن. ال ساعات تۇنگى 0.-15 تە ماناس كوشەسىنىڭ بويىنداعى ساۋنانىڭ جۇمىس ىستەپ تۇرعانى انىقتالدى.

ساۋنانى جالعا بەرۋشى 29 جاستاعى ازامات تا اكىمشىلىك جاۋاپكەرشىلىككە تارتىلدى.

«پوليتسيا قىزمەتكەرلەرى كارانتين كەزىندە سانيتارلىق- ەپيدەميولوگيالىق تالاپتاردىڭ قاتاڭ ساقتالۋ قاجەتتىگىن تۇسىندىرۋگە باعىتتالعان شارالاردى تۇراقتى وتكىزىپ كەلەدى. وسى جىلدىڭ 5-شىلدەسىنەن باستاپ شەكتەۋ شارالارى ەنگىزىلگەنىن ەسكە سالامىز. وسىعان وراي نۇر-سۇلتان قالالىق پوليتسيا دەپارتامەنتى ازاماتتارعا كارانتين رەجيمىن ساقتاۋ قاجەتتىگىن ەسكەرتەدى»، - دەپ اتاپ وتەدى دەپارتامەنتتەن.


سوڭعى جاڭالىقتار