ە و ەكونوميكاسىنا تەرەڭ رەتسەسسيا قاۋپى ءتونىپ تۇر - ەۋروكوميسسيا

None
None
بريۋسسەل. قازاقپارات - ەۋروپالىق وداق جانە ۇلتتىق دەڭگەيدەگى جىلدام ءارى اۋقىمدى جاۋاپ شارالارىنا قاراماستان، كوروناۆيرۋس پاندەمياسىنا بايلانىستى بيىل ە و ەكونوميكاسىنا تەرەڭ رەتسەسسيا قاۋپى ءتونىپ تۇر.

مۇنداي تۇجىرىمدار سەيسەنبى كۇنى جاريالانعان ەۋروكوميسسيانىڭ 2020-جىلدىڭ جازىنا ارنالعان ەكونوميكالىق بولجامىندا كەلتىرىلگەن، دەپ حابارلايدى قازاقپارات مەنشىكتى ءتىلشىسى.

كوروناۆيرۋسقا بايلانىستى شەكتەۋلەردى الىپ تاستاۋ باياۋ قارقىنمەن ءجۇرىپ جاتقاندىقتان، بيىلعى جىلى پاندەميانىڭ ەكونوميكالىق بەلسەندىلىككە اسەرى بۇعان دەيىن بولجانعاننان گورى ەداۋىر بولادى.

بولجام بويىنشا، ەۋروايماقتىڭ ەكونوميكاسى بيىل %8,7 تومەندەيدى، 2021-جىلى %6,1 وسەدى. ال ە و ەكونوميكاسى 2020-جىلى %8,3 تومەندەپ، كەلەسى جىلى %5,8 عانا ارتادى.

وسىلايشا، 2020-جىلى رەتسەسسيا ەۋروايماق ءۇشىن %7,7 جانە جالپى ە و ءۇشىن %7,4 قۇراپ، بولجانعاننان الدەقايدا تەرەڭ بولماق. 2021-جىلعى ءوسىم ەۋروكوميسسيانىڭ كوكتەمدە كۇتكەن دەڭگەيىنەن ءبىرشاما تۇراقتى بولادى.

«پاندەميا جانە كوروناۆيرۋستىڭ تارالۋىن توقتاتۋ بويىنشا قابىلدانعان شارالار، نەگىزىنەن، ەكىنشى توقسانداعى ەكونوميكالىق بەلسەندىلىككە اسەر ەتتى. بۇل، ەكىنشى دۇنيەجۇزىلىك سوعىستان كەيىنگى ءى ج ءو تومەندەۋىنىڭ العاشقى كورىنىسى»، - دەدى سەيسەنبىدە بريۋسسەلدە وتكەن باسپا ءسوز كونفەرەنتسياسىندا ەكونوميكا جونىندەگى ەۋروكوميسسار پاولو دجەنتيلوني.

ەكونوميكانى قالپىنا كەلتىرۋ پروتسەسى وسى جىلدىڭ ەكىنشى جارتىسىندا قارقىن الماق. دەگەنمەن، ول ە و- نىڭ ءارتۇرلى ەلدەرىندە تولىق ەمەس جانە بىركەلكى بولمايدى.

«ەكونوميكالىق بەلسەندىلىكتىڭ تومەندەۋى سونشالىقتى اۋىر بولدى. ەكىنشى جارتىجىلدىقتا ءىشىنارا قالپىنا كەلتىرۋ جىل سايىنعى ءوسۋ قارقىنىن ايتارلىقتاي ارتتىرا المايدى»، - دەدى دجەنتيلوني.

ينفلياتسيا بولجامى ايتارلىقتاي وزگەرگەن جوق جانە بيىل %0,3، كەلەسى جىلى %1,1 بولادى دەپ كۇتىلۋدە.

ە و ءۇشىن ينفلياتسيا 2020-جىلى %0,6 جانە 2021-جىلى %1,3 دەڭگەيىندە بولۋى ىقتيمال.

ەكىۇداي جاعداي جوعارى بولىپ قالىپ وتىر. ال احۋالدىڭ ودان ءارى ناشارلاۋ قاۋپى جوعارى. ويتكەنى پاندەميانىڭ اۋقىمى مەن ۇزاقتىعى بەلگىسىز.

سوڭعى جاڭالىقتار