19:50, 07 - شىلدە 2020 | GMT +6
اقتاۋ ىرگەسىنەن تابىلعان ارىستان ۇيىقتاتىپ ءولتىرىلۋى مۇمكىن
نۇر- سۇلتان. قازاقپارات – وتكەن ايدا ماڭعىستاۋ وبلىسىنىڭ اقشۇقىر ەلدى مەكەنىندە كوشە كەزىپ جۇرگەن ارىستاننىڭ ەلدى شۋلاتقانى ەستەرىڭىزدە بولار.
سيمبا ەسىمدى جىرتقىشتى پوليتسەيلەر قولعا ءتۇسىرىپ، كارانتينگە دەيىن اقتاۋعا گاسترولدىك ساپارمەن كەلگەن سيرككە تاپسىرعان ەدى، دەپ حابارلايدى «حابار 24».
ءبىر جاستان اسقان ارىستاننىڭ كوپ كەشىكپەي يەسى دە تابىلدى. الايدا ول ءوزى قولعا ۇيرەتكەن حايۋاندى ۇيگە الىپ كەتۋدەن ءۇزىلدى- كەسىلدى باس تارتتى. ال ەلوردالىق سيرك تاياۋدا كەيىن قايتپاق. توردا جولبارىس كۇشىكتەرىن ءوسىرىپ وتىرعان ولار ارىستاندى وزدەرىمەن الىپ كەتە المايدى. قازىر جاناشىر ازاماتتار قالا اكىمىنە حابارلاسىپ، جىرتقىشتى وڭتۇستىك وڭىردەگى زووباققا تاپسىرۋعا ىقپال ەتۋىن سۇراپ وتىر. بۇلاي بولماعان جاعدايدا، جىرتقىشتى ۇيىقتاتىپ ولتىرۋدەن باسقا امال جوق.
www.24.kz