سەمەيدە اۆتوكولىك كوپىردەن ەرتىسكە قۇلاپ ءتۇستى - فوتو

None
None
سەمەي. قازاقپارات - سەمەيدە ەرتىس وزەنىندەگى اسپالى كوپىردەن كولىك اۋدارىلىپ كەتتى، دەپ حابارلايدى قازاقپارات ءتىلشىسى ش ق و پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆودان ءمالىم ەتكەندەي، 6-شىلدەدەن 7 نە قاراعان ءتۇنى اۆتوموبيل كوپىرىندە جول- كولىك وقيعاسى بولعان. 1987-جىلعى جۇرگىزۋشى «BMW» ماركالى اۆتوموبيلمەن قالانىڭ سول بولىگىنە بارا جاتىپ، تىزگىنگە يە بولا الماي قالعان. كەيىن كولىگى كوپىردىڭ قورشاۋىنا سوعىلىپ، ەرتىس وزەنىنە اۋدارىلىپ كەتكەن. جول اپاتى سالدارىنان جۇرگىزۋشى قازا تاپتى، 1990 -جىلعى جولاۋشىنى وقيعا كۋاگەرلەرى قۇتقارىپ، مەديتسينا مەكەمەسىنە جەتكىزگەن. كولىك وزەننەن شىعارىلدى.


«ش ق و پوليتسيا دەپارتامەنتى كولىكتى پوليتسيا قۋدى» دەگەن مالىمەتتىڭ جالعان ەكەنىن مالىمدەيدى. جول اپاتى تۋرالى اقپارات تۇسكەننەن كەيىن وقيعا ورنىنا جاقىن ماڭدا جۇرگەن پارتۋلدىك پوليتسيا ەكيپاجى، سەمەي پ ب تەرگەۋ-جەدەل توبى جىبەرىلدى»، - دەپ حابارلادى ش ق و پوليتسيا دەپارتامەنتىنىڭ باستىعى ساعات ماديەۆ.

قازىرگى تاڭدا سوتقا دەيىنگى تەرگەۋ جۇمىستارى ءجۇرىپ جاتىر.


اۆتورى: ورال ەرلان ۇلى


سوڭعى جاڭالىقتار