فۋتبولشىعا نايزاعاي تيگەن ءسات ۆيدەوعا ءتۇسىپ قالدى

بۇل ءسات باقىلاۋ كامەراسىنا ءتۇسىپ قالعان، - دەپ حابارلايدى كلۋبتىڭ Twitter جەلىسىندەگى پاراقشاسى.

فۋتبولشى قاتتى كۇيىك العان، ءبىراق ونىڭ ومىرىنە قاۋىپ ءتونىپ تۇرعان جوق. جاتتىعۋ كەزىندە اسپان اشىق بولعانى ايتىلادى. يۆان كوماندادان بولەك جاتتىققان، سوندىقتان وعان نايزاعاي تيگەن ساتتە ەشكىم بىردەن بايقاماعان.

قاقپاشىعا ءبىرىنشى بولىپ ونىڭ جاتتىقتىرۋشىسى انتون باسوۆ كومەككە كەلگەن: ول زابوروۆسكيدىڭ جۇرەگىنە ماسساج جاساپ، جاساندى تىنىس بەرگەن، جەدەل جاردەم كەلگەنشە رەانيماتسيالىق ارەكەتتەر جاساعان.

جاس ءوسپىرىم سپورتشى ەس-ءتۇسسىز كۇيدە جانساقتاۋ بولىمىنە جاتقىزىلعان. زابوروۆسكيدىڭ جاعدايى تۇراقتى، كارديوگرامما قالپىندا ەكەنى حابارلاندى.

https://twitter.com/ZnamyaTrudaFC/status/1280056123635236865

كلۋبتىڭ باس ديرەكتورى يگور مايوروۆتىڭ ايتۋىنشا، ول 16 جاستاعى سپورتشىنىڭ اكەسىمەن بايلانىسقان. فۋتبولشىنىڭ قالپىنا كەلۋ ديناميكاسى جاقسى ەكەنىن، الداعى ۋاقىتتا ويناي الاتىنىن مالىمدەدى. سونداي-اق، جاعدايدى ايماقتىڭ دەنساۋلىق ساقتاۋ ءمينيسترى باقىلاۋىنا العانىن ايتتى.