شەت مەملەكەتتەر باسشىلارى قازاقستاندىقتارعا جانە ەلباسىنا باق-بەرەكە تىلەدى

None
None
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ اتىنا شەتەل مەملەكەتتەرى مەن ۇكىمەتتەرى باسشىلارىنان كەلىپ جاتقان قۇتتىقتاۋ جەدەلحاتتار لەگى جالعاسۋدا، دەپ حابارلايدى قازاقپارات.

تۇركيا پرەزيدەنتى رەجەپ تايپ ەردوعان ءوز حاتىندا ەلباسىنىڭ تاۋەلسىز قازاقستاننىڭ قالىپتاسۋى مەن وركەندەۋىندەگى ءرولىن ەرەكشە اتاپ ءوتتى.

«قازاقستاننىڭ يگىلىگى جولىنداعى قىزمەتىڭىز، مول تاجىريبەڭىز بەن پاراساتتىلىعىڭىز ءوزىڭىز ۇلكەن ۇلەس قوسقان تۇركى الەمىنىڭ بىرلىگى مەن تۇتاستىعىن نىعايتۋدا ماڭىزدى ءرول اتقارادى. وسى مۇمكىندىكتى پايدالانا وتىرىپ، سىزگە جانە وتباسىڭىزعا مىقتى دەنساۋلىق، باقىت پەن ۇزاق عۇمىر، ال باۋىرلاس جانە دوستاس قازاقستان حالقىنا اماندىق پەن باق-بەرەكە تىلەيمىن»، - دەپ جازدى رەجەپ تايپ ەردوعان.

تۇرىكمەنستان پرەزيدەنتى گۋربانگۋلى بەردىمۇحامەدوۆ نۇرسۇلتان نازاربايەۆتىڭ ءومىر جولى، وتانىنا دەگەن سۇيىسپەنشىلىگى مەن ونىڭ تاعدىرىنا ارالاسۋى جاس ۇرپاق ءۇشىن لايىقتى ۇلگى ەكەندىگىن اتاپ ءوتتى.

«ءسىزدىڭ 80 جىلدىق مەرەيتويىڭىزعا وراي مەنىڭ جۇرەكجاردى قۇتتىقتاۋىم مەن ىزگى تىلەگىمدى قابىل الىڭىز. قازىرگى تاڭدا قازاقستاننىڭ قوعامدىق- ساياسي ءومىرىنىڭ بارلىق سالالارىندا قول جەتكىزگەن تابىستارى، ەلدىڭ ەكونوميكالىق دامۋىنداعى ەلەۋلى جەتىستىكتەرى، حالىقارالىق ارەناداعى بەدەلىنىڭ نىعايۋى ءسىزدىڭ اتىڭىزبەن تىعىز بايلانىستى»، - دەلىنگەن تۇرىكمەنستان باسشىسىنىڭ جەدەلحاتىندا.

بەلگيا كورولى فيليپپ جانە مونعوليا پرەزيدەنتى حالتمااگيين باتتۋلگا دا وزدەرىنىڭ قۇتتىقتاۋلارىندا تۇڭعىش پرەزيدەنتكە جانە قازاقستان حالقىنا باق-بەرەكە تىلەدى.

سوڭعى جاڭالىقتار