نۇر-سۇلتاندا قانداي كوشەلەرگە اسفالت توسەلدى؟

None
None
نۇر-سۇلتان. قازاقپارات - نۇر-سۇلتاندا جول قۇرىلىسى مەن جوندەۋ بويىنشا اۋقىمدى جۇمىستار جۇرگىزىلۋدە.

بيىل 150 كوشەنى اسفالتتاۋ جوسپارلانعان بولاتىن، ونىڭ 100 ءى ەلوردانىڭ تۇرعىن الاپتارىندا.

اسفالتتالعان كوشەلەر اراسىندا 20 جىلدان بەرى جوندەۋ جۇرگىزىلمەگەن كوشەلەر بار، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

«ءوندىرىس» تۇرعىن الابىنىڭ تۇرعىنى ساۋلە كۇلمايەۆانىڭ ايتۋىنشا، قاپان تۇيىق كوشەسىنە 25 جىل ىشىندە العاش رەت اسفالت توسەلگەن.

استانانىڭ تۇرعىن الاپتارىندا 23 كوشەگە اسفالت توسەلدى:

بەلاسار، مارقاكول، قاراساز، نۇرلى، اقبەرگەن، بالۋان شولاق، قىرىقىز، مارالساي، جەلدىرمە، قۇعالى، قاماجاي، اقپان تۇيىعى، شىرايلى تۇيىعى، جولىمبەت، ا. بايتۇرسىنوۆ، اققايىڭ، كەڭشالعىن، اقبيداي، م. تولەبايەۆ، ءسۇتبۇلاق، تايسويعان كوشەلەرى.

قازىرگى تاڭدا تاعى 20 كوشەدە جوندەۋ جۇرگىزىلۋدە. ۇلكەن اۆتوموبيل ترافيگى مەن جولداردىڭ توزۋى بايقالاتىن ورتالىق كوشەلەردە جالپى ۇزىندىعى 30 شاقىرىمنان استام 27 كوشەدە جۇمىستار اياقتالدى:

بوگەنباي باتىر داڭعىلى، كونستيتۋتسيا كوشەسى، دۇكەن ۇلى كوشەسى، م. ماقاتايەۆ كوشەسىنىڭ جالعاسى، كەنەسارى كوشەسى، اباي داڭعىلى، جەڭىس داڭعىلى، شۇعىلا كوشەسى، بۇقارباي باتىر كوشەسى، اسان قايعى كوشەسى، ماسكەۋ كوشەسى، «تۇلپار» كوپىرىنىڭ استىنداعى بۇرىلىس جولى، تاحا حۋسەين كوشەسى، س. تورايعىروۆ كوشەسى، دوستىق كوشەسى، فاحد بەن ابدۋل ازيز كوشەسى، ۋگولنايا كوشەسىنىڭ جالعاسى، ق. ساتبايەۆ، تۇركىستان، ا. بايتۇرسىنوۆ، اقمەشىت، 319، ساۋران كوشەسى جانە باسقالار.

تاعى 6 كوشەدە جۇمىستار جالعاسۋدا. سونىمەن قاتار، كوشەلەر مەن جولداردى جارىقتاندىرۋ ءۇشىن ج ك ۋ شامدارى (ناتري شامىمەن) زاماناۋي ەنەرگيا ۇنەمدەيتىن جارىق ديودتى شامدارعا اۋىستىرىلۋدا.

بيىل 10 مىڭ شام اۋىستىرىلادى، 3 جىلدا 37 مىڭ كوشە شامىن اۋىستىرۋ جوسپارلانۋدا. بۇرىن جارىقتاندىرىلماعان كوشەلەر دە قامتىلادى. جوبالاردى جۇزەگە اسىرۋعا «جۇمىسپەن قامتۋدىڭ جول كارتاسى» باعدارلاماسى ىقپال ەتەدى.

ج ق ج ك بويىنشا 15 مىڭ جۇمىس ورنى اشىلىپ، جول قۇرىلىسىنا 1,5 مىڭ ادام تارتىلادى. جۇمىسقا ورنالاستىرۋ ءبىرىنشى كەزەكتە جۇمىسپەن قامتۋ ورتالىقتارى ارقىلى جۇزەگە اسىرىلادى.

سوڭعى جاڭالىقتار