الەكسەي سوي كوروناۆيرۋستى انىقتايتىن جاڭا تەست تۋرالى سۇراققا جاۋاپ بەردى

None
None
نۇر- سۇلتان. قازاقپارات – ق ر دەنساۋلىق ساقتاۋ ءمينيسترى الەكسەي سوي تىنىس الۋ اناليزاتورى كومەگىمەن كوروناۆيرۋستى انىقتاۋعا ارنالعان جاڭا تەستىلەۋگە قاتىستى اقپاراتقا وراي پىكىر ءبىلدىردى، دەپ حابارلايدى قازاقپارات ءتىلشىسى.

ايتا كەتەيىك، ءبىرقاتار اقپارات قۇرالى حەلسينكيدە (Deep Sensing Algorithms كومپانياسى) تىنىس الۋ اناليزاتورىنىڭ كومەگىمەن COVID-19-دى تەستىلەۋگە دايىندىق جۇرگىزىلىپ جاتقانىن، تەست ناتيجەسى نەبارى 2 مينۋتتىڭ ىشىندە دايىن بولاتىنىن جازعان ەدى.

اتالعان حابارلاماعا سايكەس، مۇنداي قۇرىلعى قازاقستان، نيدەرلاند جانە ا ق ش- تا سىناقتان وتەدى- مىس. بۇگىن ورتالىق كوممۋنيكاتسيالار قىزمەتىندەگى بريفينگ بارىسىندا ەلىمىزدىڭ دەنساۋلىق ساقتاۋ ءمينيسترى الەكسەي سوي ءدال وسى اقپاراتقا قاتىستى پىكىرىن ءبولىستى.

«قازىرگى ۋاقىتتا بىزگە بۇكىل الەمنەن تەستىلەۋدىڭ ءتۇرلى ادىستەرى، ونىڭ ىشىندە وزدەرىڭىز اتاپ وتكەن جاڭاعى ءادىس تە ءتۇسىپ جاتىر. ياعني، تەستىلەۋدىڭ اتالعان ءتۇرىن ازىرلەگەن كومپانيادان اقپارات كەلىپ جاتىر. ارينە، ءبىز ولاردى مۇقيات قارايمىز. قازاقستان نارىعىنا اتالعان قۇرال كەلىپ تۇسكەننەن كەيىن تەستىلەۋدىڭ قانشالىقتى ءدال ەكەنىن، ۆيرۋستى انىقتاۋ بارىسىنداعى جۇيەلى سيپاتتامالارىنىڭ قانداي ەكەنىن، تەستىلەۋدىڭ دالەلدەنگەن وزگە تۇرلەرىنە قاراعاندا قانشالىقتى ءدال ەكەندىگىن تەكسەرەمىز. سودان كەيىن بارىپ قانا قازاقستاندا تەستىلەۋدىڭ جاڭا تەحنولوگياسى قولدانىلاتىنىن ايتا الامىز»، - دەدى الەكسەي سوي.

اۆتور: مارلان جيەمباي


سوڭعى جاڭالىقتار