قازاقستاندا كوروناۆيرۋسقا قارسى ۆاكسينا كىمدەرگە ەگىلەدى

None
None
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى كوروناۆيرۋسقا قارسى ۆاكسيناعا قاتىستى جوسپارلارىمەن ءبولىستى، دەپ حابارلايدى قازاقپارات ءتىلشىسى.

«كوروناۆيرۋس ينفەكسياسىنا قارسى ۆاكسينا جاساۋدى جوسپارلاۋ ۆاكسينا ازىرلەنىپ، كلينيكالىق سىناقتان وتكەننەن كەيىن جانە پرەپارات باعاسى انىقتالعاننان سوڭ باستالۋى مۇمكىن. قازىرگى ۋاقىتتا ۆاكسينا ءالى ازىرلەنبەگەن جانە ونىڭ باعاسى دا ايقىندالعان جوق»، - دەپ ءمالىم ەتتى دەنساۋلىق ساقتاۋ مينيسترلىگىنەن.

سونىمەن قاتار ۆەدومستۆونىڭ اتاپ وتۋىنشە، الدىن الا بولجامعا سايكەس، ۆاكسينا 65 جاستان اسقان، جۇرەك- قان تامىرى اۋرۋى، قانت ديابەتى جانە سوزىلمالى وكپە اۋرۋلارى بار تاۋەكەل توبىنا كىرەتىن ادامدارعا جانە مەديتسينا قىزمەتكەرلەرىنە سالىناتىن بولادى. ۆاكسينا الاتىن ادامداردىڭ بولجامدى سانى 2347000 ادامدى قۇرايدى.

ەستەرىڭىزگە سالا كەتەيىك، قازاقستاندا وتكەن تاۋلىكتە 1452 ادامنىڭ كوروناۆيرۋس ىندەتىمەن اۋىرعانى بەلگىلى بولدى. ونىڭ ىشىندە 924 ادام كلينيكالىق بەلگىلەرى جوق تاسىمالداۋشى رەتىندە تىركەلدى. جالپى ەل بويىنشا اۋىرعاندار سانى 47171 ادامعا جەتىپ وتىر.

اۆتور: مارلان جيەمباي


سوڭعى جاڭالىقتار