سپورت جۋرناليستيكاسىنىڭ ابىزى دياس وماروۆ ومىردەن وزدى

None
None
نۇر- سۇلتان. قازاقپارات - بۇگىن تاڭەرتەڭ قازاقستاندىق تانىمال سپورت جۋرناليسى جانە كوممەنتاتور دياس وماروۆ ومىردەن وزدى، دەپ حابارلايدى قازاقپارات.

دياس وماروۆ 1940 -جىلدىڭ 20 قازانىندا دۇنيەگە كەلگەن. قازىرگى ءال- فارابي اتىنداعى قازاق ۇلتتىق ۋنيۆەرسيتەتى فيلولوگيا فاكۋلتەتىنىڭ جۋرناليستيكا بولىمشەسىندە ءبىلىم العان. 1966 -جىلدان قازتەلەراديونىڭ سپورت كومەنتاتورى بولعان. ال 1998 -جىلدان «حابار» تەلەارناسىندا سپورت كوممەنتاتورى رەتىندە جۇمىس ىستەگەن.

«دياس اعانىڭ ومىردەن وزعاندىعى تۋرالى قايعىلى حابار توسىننان بولدى. ويتكەنى، جاسى ءبىرازعا كەلگەنىنە قاراماستان ول سپورتتىق ءومىر سالتىن ۇستانىپ جانە دە اپتاسىنا بىرنەشە رەت كوپتەگەن دوستارىمەن باس قوسىپ، سۇيىكتى فۋتبولىندا دوپ قۋالايتىن ەدى. №1 سپورتتىڭ كوپتەگەن جانكۇيەرلەرى ونى فۋتبولدىڭ ارقاسىندا ءبىلدى. دياس وماروۆتىڭ اكەسى - كورنەكتى مەملەكەت جانە قوعام قايراتكەرى، سوعىس جىلدارىندا ەڭ جاس ساۋدا حالىق كوميسسارى، كەيىنەن قازاقستان كومپارتياسى ورتالىق كوميتەتىنىڭ حاتشىسى جانە مادەنيەت ءمينيسترى بولعان، اشقۇرساق بالالىق شاقتى باستان كەشىرگەن ءىلياس وماروۆ بالالارىنىڭ شىمىر بولىپ وسكەندىگىن قالاپ، ۇلكەن ۇلىن فۋتبولعا الىپ كەلگەن ەكەن»، - دەپ ەسكە الادى قازاقستاننىڭ سپورت باسپا ءسوز قىزمەتى قاۋىمداستىعىنىڭ پرەزيدەنتى ءىلياس وماروۆ.

اۆتور: مارلان جيەمباي

سوڭعى جاڭالىقتار