نۇر- سۇلتاندا تەرەزەدەن قۇلاي جازداعان ەكى ءبۇلدىرشىن قۇتقارىلدى

None
None
نۇر- سۇلتان. قازاقپارات - ەلوردادا 5 جانە 2 جاسار قىزدار تەرەزەدەن قۇلاي جازدادى، دەپ حابارلايدى قازاقپارات قالالىق توتەنشە جاعدايلار دەپارتامەنتىنە سىلتەمە جاساپ.

بۇگىن پوليتسياعا قالا تۇرعىنى حابارلاسىپ، 4-قاباتتاعى تەرەزەدە كىشكەنتاي بالا تۇرعانىن جانە قۇلاپ كەتۋى مۇمكىن ەكەنىن ايتقان. كەشكى 18-04 كەزىندە قالالىق توتەنشە جاعدايلار دەپارتامەنتىنىڭ قىزمەتكەرلەرى كۇيشى دينا كوشەسى، 30-ۇيگە جەتتى. ولار كەلە سالىسىمەن 4-قاباتتىڭ تەرەزەسىندە ەكى كىشكەنتاي بالا تۇرعانىن انىقتادى. قۇتقارۋشىلاردىڭ ءبىرى، ازاماتتىق قورعانىس سەرجانتى ر. كوبەتايەۆ پوليتسەيمەن بىرگە اۆتوساتىنىڭ كومەگىمەن پاتەر تەرەزەسىنە كوتەرىلىپ، ەكى ءبۇلدىرشىندى ىشكە كىرگىزدى. ولار ۇيدە وزدەرى عانا ەكەن، ۇلكەندەردەن ەشكىم جوق. قۇتقارۋشىلاردىڭ شۇعىل ارەكەتىنىڭ ارقاسىندا 2015 جانە 2018 -جىلى تۋعان ەكى قىز بالا امان قالدى.

«بۇل - بالالارعا قاۋىپ تونبەي، ارتى قايعىلى جاعدايعا ۇلاسپاي، ءساتتى اياقتالعان وقيعالاردىڭ ءبىرى. اتا- انالاردان بالانى پاتەردە ءوزىن عانا وڭاشا قالدىرماۋدى وتىنەمىز» دەپ ءمالىم ەتتى دەپارتامەنت.

سوڭعى جاڭالىقتار