12:44, 02 - شىلدە 2020 | GMT +6
ءبىرقاتار لاۋازىمدى تۇلعالار ديپلوماتيالىق دارەجەگە يە بولدى
نۇر-سۇلتان. قازاقپارات - قازاقستان رەسپۋبليكاسىنىڭ ديپلوماتيالىق قىزمەت كۇنىنە وراي ق ر پرەزيدەنتى قاسىم-جومارت توقايەۆ ءبىرقاتار لاۋازىمدى تۇلعالارعا توتەنشە جانە وكىلەتتى ەلشى ديپلوماتيالىق دارەجەسىن بەردى، دەپ حابارلايدى قازاقپارات.
بۇل جونىندە ق ر سىرتقى ىستەر مينيسترلىگى مالىمەت تاراتتى.
اتاپ ايتقاندا، 4 ادام جاڭا دارەجەگە يە بولعان.
- اسقار ورازالى ۇلى شاكىروۆ - ق ر پارلامەنتى سەناتى ءتوراعاسىنىڭ ورىنباسارى؛
- باۋىرجان ءالىم ۇلى مۇحامەدجانوۆ - قازاقستاننىڭ گرۋزياداعى ەلشىسى؛
- ەرلان كەڭەس ۇلى باۋداربەك- قوجاتايەۆ - قازاقستاننىڭ جاپونياداعى ەلشىسى؛
- رومان يۋريەۆيچ ۆاسيلەنكو - قازاقستاننىڭ سلوۆاكياداعى ەلشىسى.
سونداي-اق، مەملەكەت باسشىسىمەن ءبىرقاتار قازاقستاندىق ديپلوماتتارعا كەزەكتى ديپلوماتيالىق دارەجەلەرى مەن ق ر پرەزيدەنتىنىڭ قۇرمەت گراموتاسى بەرىلدى.