قازاقستاندىقتاردىڭ قانشا پايىزى كوروناۆيرۋسقا سەنبەيدى - زەرتتەۋ

«رومير» جانە Gallup International زەرتتەۋىنە سايكەس قازاقستاندىقتار COVID-19 قاتەرىن اسىرا سىلتەيدى دەپ ەسەپتەيدى.

ساۋالناماعا قاتىسقانداردىڭ 41 پايىز كوروناۆيرۋس توندىرەتىن قاۋىپ اسىرا سىلتەپ ايتىلادى دەپ پىكىر بىلدىرگەن. دەگەنمەن COVID-19 ىندەتىنىڭ قاۋىپتى ەكەنىنە 54 پايىز داۋىس بەرگەن.

الەمنىڭ وزگە ەلدەرىنە قاراعاندا بوسنيا جانە گەرتسەگوۆينا (66 پايىز)، قازاقستان (61 پايىز)، مولداۆيا جانە بولگاريادا (58 پايىز) تۇرعىندار كوروناۆيرۋستىڭ قاۋپىن ەسكەرمەيدى.

ال ۇلى بريتانيا (15 پايىز)، وڭتۇستىك كورەيا (15 پايىز) جانە جاپونيادا (18 پايىز)، كەرىسىنشە، قاۋىپتى ەكەنىن اتاپ وتكەن.

ساۋالناماعا قاتىسقانداردىڭ باسىم كوپشىلىگى (67 پايىز) ءوزىنىڭ جانە جاقىندارىنىڭ دەنساۋلىعى ءۇشىن ۋايىمدايتىنىن ايتقان. ال وڭتۇستىك كورەيا (86 پايىز)، فيليپپين (84 پايىز) جانە گونكونگ (80 پايىز) تۇرعىندارىنىڭ كوبى كوروناۆيرۋس جۇقتىرۋدان قورقادى ەكەن.

وسىمەن «رومير» جانە Gallup International كوروناۆيرۋس پاندەمياسى باستالعالى ءۇشىنشى ساۋالناماسىن جۇرگىزدى. ءۇشىنشى زەرتتەۋگە 19 ەلدەن 19 مىڭ ادام قاتىسقان. زەرتتەۋ جۇمىستارى اۋستريا، بوسنيا جانە گەرتسەگوۆينا، بولگاريا، ۇلى بريتانيا، گرۋزيا، گونكونگ، ءۇندىستان، يتاليا، قازاقستان، مالايزيا، مولداۆيا، پاكىستان، رەسەي، سولتۇستىك ماكەدونيا، ا ق ش، فيليپپين، شۆەيتساريا، وڭتۇستىك كورەيا، جاپونيا ەلدەرىندە جۇرگىزىلگەن.

Massaget.kz