ميۋنحەن مارافونى جاڭا فورماتتا وتەدى

None
None
ميۋنحەن. قازاقپارات - مارافوندى ۇيىمداستىرۋشىلار ميۋنحەندە جارىستى وتكىزۋ فورماتىنا وزگەرىس ەنگىزىلگەندىگىن ءمالىم ەتتى، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ.

سپورتتىق شارانى 2020-جىلى 11- قازاندا ۇيىمداستىرۋ جوسپارلانىپ وتىر. ۇيىمداستىرۋشىلار مارافوندى ۆيرتۋالدى فورماتقا اۋىستىرمادى، ءبىراق قاتىسۋشىلار سانىن 12600 گە دەيىن شەكتەۋ جوسپارلانىپ وتىر.

سونداي-اق مارافوننىڭ ارا قاشىقتىعى دا قىسقاردى. جۇگىرۋشىلەر بۇرىنعىداي 42 ك م ەمەس، 30 ك م قاشىقتىقتى باعىندىرۋى قاجەت بولادى. اتالعاندارمەن قوسا ۇيىمداستىرۋشىلار شاراعا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا ارنايى ەرەجەلەر جيىنتىعى مەن گيگيەنا تۇجىرىمداماسىن جاسادى.

«ءبىزدىڭ بارلىق شەشىمدەرىمىز بەكىتۋ ءۇشىن ميۋنحەننىڭ ءتيىستى ورگاندارىنا جولداندى. ءبىز ميۋنحەندە جولىعىپ، مارافوندى «2020 مارافونىن وزگەشە وتكىزەمىز» دەگەن ۇرانمەن ۇيىمداستىرۋدى جوسپارلاپ وتىرمىز»، - دەدى ميۋنحەن مارافونىنىڭ ديرەكتورى يورگ ۆەنيگ.

سوڭعى جاڭالىقتار