ادامداردىڭ ءومىر ءسۇرۋ ۇزاقتىعى اياق ولشەمىنە بايلانىستى بولۋى مۇمكىن - عالىمدار

ماماندار ەكى جىلدىق زەرتتەۋ جۇرگىزىپ، 3 مىڭ ءولىم جاعدايىن زەرتتەدى. زەرتتەۋ بارىسىندا اياق ولشەمى 38 بولاتىن ايەلدەردىڭ ۇزاق ءومىر سۇرگەنى بەلگىلى بولعان، ال ەرلەر اراسىندا اياعىنىڭ ولشەمى 42 بولاتىن ادامدار ۇزاق ءومىر سۇرگەن. عالىمداردىڭ تۇجىرىمىنا سايكەس اتالعان توپتاردىڭ وكىلدەرى 82-84 جاس ارالىعىندا ءومىر ءسۇردى.

زەرتتەۋگە سايكەس، اياق ولشەمى 38 جانە 45 بولاتىن ەرلەر از ءومىر سۇرگەن، 39-اياق ولشەمىنىڭ يەلەرى ورتاشا ەسەپپەن 72 جاسقا دەيىن، 40-ولشەم 75 جاسقا دەيىن، 43-ولشەم 74-79 جاسقا دەيىن جانە 44-اياق ولشەمىنىڭ يەلەرى 69-72 جاسقا دەيىن ءومىر سۇرگەن. ايەلدەر اراسىندا 35 جانە 42 اياق ولشەمىنىڭ يەلەرى از ءومىر ءسۇردى، ورتاشا ەسەپپەن 68-69 جاس.

ال اياق ولشەمدى 36 بولاتىن حانىمدار 76 جاسقا دەيىن، 37-ولشەم 79-82 جاسقا دەيىن، 39, 40 جانە 41-اياق ولشەمىنىڭ يەلەرى ورتا ەسەپپەن 70-75 جاسقا دەيىن ءومىر سۇرگەن. زەرتتەۋ اۆتورلارى بۇل تۇجىرىمداردىڭ ءومىر ءسۇرۋ ۇزاقتىعىنىڭ اياق ولشەمىنە تىكەلەي بايلانىستى ەكەنىن دالەلدەمەيتىنىن ايتىپ ءوتتى.

www.24.kz