قازاقستان تابيعي گازىنىڭ قىتايعا ەكسپورت كولەمى ارتتى

بۇل وتكەن جىلدىڭ ءدال وسىنداي كەزەڭىندە وندىرىلگەن گاز كولەمىنەن 7,2 پايىزعا كوپ. اقشاعا شاققاندا اتالعان كەزەڭدە 141,9 ميلليارد تەڭگەنىڭ گازى ءوندىرىلدى، دەپ حابارلايدى قازاقپارات ءتىلشىسى energyprom.kz پورتالىنا سىلتەمە جاساپ.

وڭىرلىك شەكتە اتىراۋ وبلىسىندا وندىرىلگەن تابيعي گازدىڭ كولەمى جوعارى بولىپ تۇر. بۇل وبلىستا 11,2 ميلليارد تەكشە مەتر گاز ءوندىرىلىپ وتىر. سونىمەن قاتار باتىس قازاقستان وبلىسىندا - 9,1 ميلليارد، اقتوبە وبلىسىندا - 2,6 ميلليارد تەكشە مەتر گاز وندىرىلگەن. قازاقستان 2020 -جىلدىڭ قاڭتار- ساۋىرىندە 6,3 ميلليارد تەكشە مەتر كوگىلدىر وتىنىن ەكسپورتقا شىعاردى. ءبىراق جىلدىق ماندە ەكسپورت كولەمى 34,9 پايىزعا قىسقارىپ وتىر.

قازاقستاننىڭ تابيعي گازىنىڭ نەگىزگى، ناقتى ايتقاندا 566,1 ميلليون دوللاردى قۇرايتىن كولەمى قىتاي ەلىنە ەكسپورتتالعان. قىتايعا ەكسپورتتىڭ جىلدىق ءوسىمى ناقتى ماندە 7,4 پايىزعا، ال اقشاعا شاققاندا 2,5 پايىزعا ارتتى. ال ت م د ەلدەرىنە 101,5 ميلليون دوللاردىڭ 2,1 ميلليارد تەكشە مەتر گازى ەكسپورتقا شىعارىلدى. بۇل رەتتە قازاقستان گازىنىڭ نەگىزگى يمپورتتاۋشىسى - رەسەي. جالپى ت م د ەلدەرىنە ەكسپورتتالعان گازدىڭ 75,5 پايىزى رەسەيگە ەكسپورتتالعان.

ايتا كەتەرلىگى، ق ر ەنەرگەتيكا مينيسترلىگىنىڭ مالىمەتىنشە، 2020 -جىلعى 3 توقساندا سۇيىتىلعان مۇناي گازىن كوتەرمە ساۋدادا وتكىزۋدىڭ باعالارى قوسىلعان قۇن سالىعىن (ق ق س) ەسەپكە الماعاندا 28000 تەڭگەنى قۇرايدى. شەكتى باعا 2018 -جىلدىڭ 1- توقسانى - 2020 -جىلدىڭ 1- توقسانى ارالىعىندا ق ق س ەسەبىنسىز تونناسىنا 38701,67 تەڭگە دەڭگەيىندە ساقتالدى.

اۆتور: مارلان جيەمباي