ۇلتتىق قورعا قانشا قاراجات ءتۇستى

None
None
نۇر- سۇلتان. قازاقپارات - وسى جىلدىڭ 1 - ماۋسىمىنداعى جاعداي بويىنشا رەسپۋبليكالىق بيۋدجەتكە پايدالانىلماي قالعان 8,6 ميلليارد تەڭگە قايتارىلعان. بۇل تۋرالى پارلامەنت سەناتىنىڭ وتىرىسىندا قارجى ءمينيسترىنىڭ ورىنباسارى تاتيانا ساۆەليەۆا ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق قورعا جالپى 4,5 تريلليون تەڭگە ءتۇستى. 2019 -جىلدىڭ اياعىنا قاراي قوردىڭ اكتيۆتەرى 27,5 تريلليون تەڭگەگە تەڭەستى. بيۋدجەتتىڭ باسىمدىققا يە باعىتتارىن ۇلتتىق قوردىڭ ترانسفەرتتەرى ەسەبىنەن قارجىلاندىرۋ قالىپتى جاعدايعا اينالىپ كەتتى. وسىعان بايلانىستى قوردىڭ جيناقتىق قىزمەتىن زاڭنامالىق تۇرعىدا كۇشەيتۋ كوزدەلىپ وتىر»، - دەدى قارجى ۆيتسە- ءمينيسترى.

ونىڭ ايتۋىنا قاراعاندا دەپۋتاتتاردىڭ ۇسىنىسىمەن كۆازيمەملەكەتتىك سەكتورداعى سۋبەكتتەردىڭ ديۆيدەنتتىك ساياساتى وزگەرگەن. بيىلدان باستاپ كۆازيمەملەكەتتىك سەكتوردىڭ سۋبەكتتەرى 2019 -جىلدىڭ قورىتىندىسى بويىنشا رەسپۋبليكالىق بيۋدجەتكە 100 پايىزدىق ديۆيدەنتتى قامتاماسىز ەتەدى.

«بيۋدجەت قاراجاتىنىڭ جۇمسالۋىنا باقىلاۋدى كۇشەيتۋ ءۇشىن كۆازيمەملەكەتتىك سۋبەكتتەردىڭ ەسەبىندەگى پايدالانىلماي قالعان قاراجاتتى بيۋدجەتكە قايتارۋ بويىنشا جۇمىس باستالىپ كەتتى. 1 - ماۋسىمداعى جاعداي بويىنشا رەسپۋبليكالىق بيۋدجەتكە 8,6 ميلليارد تەڭگە قايتارىلدى»، - دەدى ول.

اۆتور: ايان بەكەن ۇلى

سوڭعى جاڭالىقتار