مۇعالىمدەرگە ساباقتان تىس سپورت جاتتىعۋىن جۇرگىزگەنى ءۇشىن قوسىمشا اقى تولەنەدى

None
None
نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا مەملەكەتتىك ءبىلىم بەرۋ ۇيىمدارىنىڭ پەداگوگتەرىنە ساباقتان تىس سپورت جاتتىعۋىن جۇرگىزگەنى ءۇشىن قوسىمشا اقى بەرىلەتىنىن مالىمدەدى، دەپ حابارلايدى قازاقپارات ءتىلشىسى.

«سپورت سالاسىنداعى جاتتىقتىرۋشى- وقىتۋشىلاردىڭ، مۇعالىمدەردىڭ، 4 مەكتەپ- ينتەرنات- كوللەدجى مەن سپورت كوللەدجى تاربيەشىلەرىنىڭ، بالالار- جاسوسپىرىمدەر سپورت مەكتەبىنىڭ جاتتىقتىرۋشى- وقىتۋشىلارىنىڭ جالاقىسى كوتەرىلەدى. مەملەكەتتىك ءبىلىم بەرۋ ۇيىمدارىنىڭ پەداگوگتەرىنە ساباقتان تىس سپورت جاتتىعۋلارىن جۇرگىزگەنى ءۇشىن بازالىق لاۋازىمدىق جالاقىنىڭ (17697 تەڭگە) %100 مولشەرىندە قوسىمشا اقى بەرىلەدى» ، - دەدى اقتوتى رايىمقۇلوۆا و ك ق- دا ونلاين رەجيمدە حالىق الدىندا ەسەپ بەرۋ كەزدەسۋىندە.

ءمينيستردىڭ ايتۋىنشا سپورتشىلاردىڭ دوپينگىگە قارسى زەرتحاناسىنىڭ، ۇلتتىق دوپينگىگە قارسى ورتالىقتىڭ قىزمەتكەرلەرىنە، دەنە شىنىقتىرۋ جانە سپورت جونىندەگى رەسپۋبليكالىق وقۋ- ادىستەمەلىك جانە تالداۋ ورتالىعىنىڭ، سپورتتى دامىتۋ ديرەكتسياسىنىڭ قىزمەتكەرلەرى مەن جاتتىقتىرۋشىلارىنا لاۋازىمدىق جالاقىنىڭ %100 مولشەرىندە جاڭا قوسىمشا اقى بەلگىلەنگەن. وسىلايشا، ولاردىڭ جالاقىسى 2 ەسە ارتقان.

«بۇل باعىتتا جۇمىس جالعاسادى. سالا قىزمەتكەرلەرىن الەۋمەتتىك قولداۋ ماسەلەلەرى ءبىز ءۇشىن ءارقاشان دا وزەكتى. وسىعان بايلانىستى سالا قىزمەتكەرلەرىن الەۋمەتتىك قولداۋ جۇيەسىن ودان ءارى دامىتۋدى، جۇمىسىنىڭ ەرەكشەلىگى بار ماماندار ءۇشىن تولەم ماسەلەسىن پىسىقتاۋدى جوسپارلاپ وتىرمىز. بۇل ماماندىقتىڭ بەدەلىن ارتترىىپ عانا قويماي مۋلتيپليكاتيۆتى اسەر بەرەدى»، - دەدى اقتوتى رايىمقۇلوۆا.


سوڭعى جاڭالىقتار