بيلل گەيتس ادامداردى جاپپاي چيپتەۋ تۋرالى ايىپتارعا جاۋاپ بەردى
كاسىپكەر مۇنداي ىسپەن ەشقاشاندا اينالىسپاعانىن ايتادى. ءبىراق گەيتس كوروناۆيرۋسقا قارسى ۆاكتسينا حالىقتىڭ قالىپتى ومىرگە قايتا ورالۋىنىڭ جالعىز مۇمكىندىگى ەكەنىن ەسكەرتىپ، قاۋىپتى ۆيرۋستىڭ ەكىنشى تولقىنىن كۇتەتىنىن ايتىپتى. بيلل گەيتس ءوزىنىڭ جۇبايى مەليندا گەيتس ەكەۋى كوروناۆيرۋسقا قارسى ۆاكتسينانى جاساپ شىعارۋ ءۇشىن 1 ميللايرد دوللاردان استام قارجى بولگەن.
بيلل گەيتس، Microsoft كومپانياسىنىڭ نەگىزىن قالاۋشى:
- قازىر كوروناۆيرۋس وڭتۇستىك جانە ورتالىق امەريكادا ءورشىپ تۇر. نيگەريا مەن وڭتۇستىك افريكادا دا جۇقتىرعانداردىڭ سانى تەز وسۋدە. ەۋروپا پەن ا ق ش- تا تارالۋى تومەندەگەنىمەن، ۆيرۋس تولىقتاي جويىلعان جوق. تەك جاپونيا، اۆستراليا، جاڭا زەلانديا جانە سينگاپۋر عانا ىندەتپەن كۇرەستە جەتىستىككە جەتتى دەۋگە بولادى. ءبىراق وكىنىشكە قاراي ىندەتكە قارسى شەكتەۋ شارالارىن الىپ تاستاعان ەلدەردە دەرتتى جۇقتىرۋ قايتا كوبەيەتىن شىعار. بىزگە ىندەتتى توقتاتۋ ءۇشىن ۆاكتسينا كەرەك.