اقمولا وبلىسىندا ءبۇتىن ءبىر وتباسى كوروناۆيرۋس جۇقتىردى

None
None
كوكشەتاۋ. قازاقپارات - اقمولا وبلىسىندا 5 ادامنان كوروناۆيرۋس ينفەكتسياسى تابىلدى. ولاردىڭ بارلىعى ءبىر وتباسىنىڭ مۇشەلەرى، دەپ حابارلايدى قازاقپارات ءتىلشىسى وبلىستىق تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە سىلتەمە جاساپ.

ۆەدومستۆونىڭ مالىمەتىنشە، ىندەت جۇقتىرعاندار - سەلينوگراد اۋدانىنىڭ قاراوتكەل كەنتىندەگى ءبىر ۇيدە تۇراتىندار. كوروناۆيرۋس ينفەكتسياسى 1964 -جىلعى ەر ادام، 1991 -جىلعى ايەل، سونداي- اق 2011, 2014 جانە 2019 -جىلعى بالالاردان انىقتالدى. بۇلاردىڭ بارلىعى بۇرىن كوروناۆيرۋس جۇقتىرعان اداممەن جاقىن بايلانىستا بولعان جانە ولاردان ەپيدەميولوگيالىق كورسەتكىشتەر بويىنشا سىناما الىنعان. ناۋقاستار كوكشەتاۋ قالاسىنداعى اقمولا وبلىستىق تۋبەركۋلەزگە قارسى ديسپانسەرىنىڭ ستانتسيونارىندا ەمدەلەتىن بولادى. «ءۇي وشاعىندا ەپيدەمياعا قارسى ءىس- شارالار قولعا الىنۋدا. ناۋقاستارمەن بايلانىستى بولعان ادامدارى انىقتاۋ بويىنشا سانيتارلىق- ەپيدەميولوگيالىق شارالار جۇرگىزىلۋدە. سونداي- اق، دەزينفەكتسيالاۋ ۇيىمداستىرىلۋدا» ، - دەيدى ۆەدومستۆودان.

وسى جاعداي تىركەلگەنگە دەيىن وبلىستىڭ ستاتسيونارلارىندا 27 ناۋقاس بولعان، ونىڭ ىشىندە ۋاقىتشا ستاتسيوناردا – 16، ينفەكتسيالىق ستاتسيوناردا – 11، ءۇي كارانتينىندە - 482 ادام وقشاۋلانعان.

سوڭعى جاڭالىقتار