ايدا بالايەۆا: ءبىز بىلىكتى كادرلاردى دايارلاۋدىڭ ناقتى جۇيەسىن جاسايمىز

None
None
نۇر- سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا وتاندىق ب ا ق سالاسىن دامىتۋ ماسەلەلەرىنە ارنالعان دوڭگەلەك ۇستەل جيىنىندا ۇلتتىق جوسپار اياسىندا وتاندىق اقپارات كەڭىستىگىن دامىتۋدىڭ ءبىر باعىتى رەتىندە ادامي كاپيتالدى دامىتۋدى اتادى.

- ەڭ الدىمەن بۇل كادرلاردى دايارلاۋ جۇيەسىنە قاتىستى ماسەلە. بۇل جەردە اڭگىمە كادر ساپاسىنا باعا بەرۋدە ەمەس، جاڭا دا جاسامپاز جول ىزدەپ، دەڭگەيىن كوتەرۋدە. جاسىراتىنى جوق، ءدال قازىرگى كەزدە بىزدە ەكونوميكا، مەديتسينا، قارجى جۇيەسى جانە تاعى دا باسقا كۇردەلى تاقىرىپتاردى الىپ جۇرەتىن بىلىكتى جۋرناليستەر جوق. رەداكتسيالار مۇنداي مىندەتتى جالپى تاجىريبەسى بار ماماندارعا جۇكتەۋگە ءماجبۇر. ناتيجەسىندە، ساپاسىز كونتەنت، قاتە اقپارات تاراپ جاتادى. سوندىقتان دا بۇل ماسەلەلەردى شەشۋدە ۇلتتىق جوسپار اياسىندا قۇرىلاتىن مۋلتيمەديالىق ءبىلىم بەرۋ تۇعىرناماسى ۇلكەن رول اتقاراتىن بولادى، - ايدا بالايەۆا. مينيستر وسىنىڭ ىشىندە جاس ماماندارعا ارنالعان گرانتتىق باعدارلامالاردى ەرەكشە اتاپ ءوتتى. ونى ازىرلەۋگە جانە ىسكە اسىرۋعا جۋرناليستيكا جانە ءبىلىم بەرۋ سالاسىنداعى جەتەكشى ساراپشىلار تارتىلماق.

سوڭعى جاڭالىقتار