08:17, 05 - ماۋسىم 2020 | GMT +6
شىمكەنتتە جارىلىس بولدى
شىمكەنت. قازاقپارات - شىمكەنتتە گاز-اۋا قوسپاسىنىڭ جارىلىسى سالدارىنان جەرگىلىكتى تۇرعىن كۇيىپ قالدى، دەپ حابارلايدى قازاقپارات ءتىلشىسى.
قالالىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، وقيعا اباي اۋدانىنا قاراستى ىنتىماق-2-شاعىناۋدانىندا بولعان.
«4-ماۋسىم كۇنى كەشكى ساعات 18:10 دا جاڭاقۇرىلىس كوشەسىندەگى جەكە تۇرعىن ءۇيدىڭ اۋلاسىندا گاز-اۋا قوسپاسى جارىلدى. بۇل، شارقايراقپەن بوشكەنى كەسۋ كەزىندە ورىن العان. ءورت بولعان جوق. وقيعا سالدارىنان دەنەسىنىڭ 80 پايىزىن كۇيىك شالعان 50 جاستاعى ەر ادام اۋرۋحاناعا جەتكىزىلدى. جاعدايى ورتاشا دارەجەدە. جارىلىس بولعان جەرگە ءورت ءسوندىرۋ قىزمەتى شاقىرىلماعان»، - دەلىنگەن حابارلامادا.