ەلوردادا جەر ۇيدە گاز باللونى جارىلىپ، قىزىل جالىن كورشى كوتتەدجدى شارپىدى

«بۇگىن ساعات 17.47 ۋاقىتىندا «101» پۋلتىنە جانگەلدين كوشەسى، 31/4 مەكەنجايىنداعى جەر ۇيدەن ءورت شىققانى تۋرالى حابارلاما كەلىپ ءتۇستى. نۇر- سۇلتان قالاسىنىڭ ت ج د ءورت ءسوندىرۋ بولىمشەسىنىڭ قىزمەتكەرلەرى وقيعا ورنىنا 4 مينۋتتا جەتتى. ءورت سوندىرۋشىلەر كەلگەن كەزدە قىزىل جالىن ەداۋىر ۇدەپ كەتكەن ەدى. بەلگىلى بولعانداي، گاز باللونى جارىلىپ، ارتىنشا ءتىلسىز جاۋ سول ءۇيدىڭ جانىنداعى كوتتەدجدى دە شارپىپ كەتكەن» دەپ حابارلايدى دەپارتامەنتتەن.

قازىرگى ۋاقىتتا ءورت سوندىرۋشىلەر ءورتتى ءسوندىرىپ جاتىر. ءتىلسىز جاۋدى اۋىزدىقتاۋعا قوسىمشا كۇش تە جۇمىلدىرىلعان. زارداپ شەككەندەر جوق. ءورتتى سوندىرۋگە 8 ارنايى تەحنيكا مەن جەكە قۇرامنان 33 ادام تارتىلعان.