ەلوردادا اسكەريلەر دەزينفەكتسيالاۋ جۇمىسىن قايتا باستادى

ۆيرۋستىڭ تارالۋ قاۋپى ءالى دە سەيىلە قويماعان جاعدايدا كارانتين شارالارى مەن سانيتارلىق- ەپيدەمياعا قارسى ءىس- شارالاردىڭ ساقتالۋىن قامتاماسىز ەتۋ ماڭىزدى ەكەنى بەلگىلى. اسكەري قىزمەتشىلەر العاشقى تاۋلىكتە ادامدار كوپ جينالاتىن ورىندار مەن قالا نىساندارىن وڭدەيدى. سونىمەن قاتار، ولار تۇڭعىش پرەزيدەنت ساياباعى مەن بوتانيكالىق باققا ۆيرۋسقا قارسى سۇيىقتىق ەرىتىندى شاشادى. سانيتارلىق وڭدەۋ جۇمىستارى ءۇشىن جەكە گازدان قورعاۋ جيىنتىعى، دەزينفەكتسيا ەرىتىندىسى بەرىلىپ، ارس-14 اۆتوقۇيۋ ستانساسى جانە جەكە قۇرامدى تاسىمالداۋعا ارنالعان اۆتوكولىك جۇمىلدىرىلدى.

بۇعان دەيىن دەنساۋلىق ساقتاۋ مينيسترلىگى تۇرعىندارعا كارانتين شەكتەۋىن ساقتاۋعا شاقىرعان بولاتىن. سانيتارلىق- ەپيدەمياعا قارسى ءىس- شارالاردى قامتاماسىز ەتۋ ماقساتىندا ەلدى مەكەندەردە شۇعىل تۇردە 16 سانيتارلىق وڭدەۋ توبى قۇرىلدى. ولار ءبىر اپتادان بەرى ايماقتاردا قوعامدىق ورىندار مەن الەۋمەتتىك ماڭىزى بار نىسانداردى وڭدەپ جاتىر. توتەنشە جاعداي رەجيمى كەزىندە 29 قالادا قارۋلى كۇشتەردىڭ اسكەري قىزمەتشىلەرى جالپى اۋدانى 50 ميلليون شارشى شاقىرىمنان اساتىن 10,5 مىڭنان استام الەۋمەتتىك ماڭىزى بار نىساندار، ۇزىندىعى 4 مىڭ شاقىرىم بولاتىن جولدا دەزينفەكتسيالادى.