د س م كوروناۆيرۋسپەن كۇرەستە وكپە پاتولوگياسىن ەمدەيتىن ۆيبرواكۋستيكالىق قۇرىلعىلار ساتىپ الدى

None
None
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى Covid-19 بەن كۇرەسۋ ءۇشىن ۆيبرواكۋستيكالىق قۇرىلعىلار ساتىپ الدى، دەپ حابارلايدى قازاقپارات ۆەدومستۆونىڭ Telegram-داعى پاراقشاسىنا سىلتەمە جاساپ.

«دەنساۋلىق ساقتاۋ مينيسترلىگى قازاقستانداعى جۇقپالى اۋرۋلار اۋرۋحانالارىنا وكپە پاتولوگياسىن ەمدەيتىن 87 ۆيبرواكۋستيكالىق اپپارات ساتىپ الدى. بۇل COVID-19 قارسى كۇرەسۋ ماقساتىندا مەديتسينالىق كومەك كورسەتەتىن دەنساۋلىق ساقتاۋ ۇيىمدارىنىڭ ماتەريالدىق- تەحنيكالىق بازاسىن نىعايتۋعا باعىتتالعان باعدارلامانىڭ جالعاسى»، دەلىنگەن حابارلامادا.

ۇلتتىق ستاندارتتاردىڭ تالابىنا سايكەس ۆيرۋس ينفەكتسياسىنان پايدا بولعان وكپە اسقىنۋىن ەمدەۋ ەرەجەسى بويىنشا ۆيبرواكۋستيكالىق تەراپيانى قولدانۋ قاجەت جانە قازىرگى ۋاقىتتا اتالعان اپپاراتتى پايدالانعان جاعدايى اۋىر ناۋقاستاردا وڭ ناتيجەسى بايقالعان.

ءدارى- دارمەكپەن ەمدەۋدى ازايتا وتىرىپ، وكپەنى كەشەندى بيفوكال ۆيبرواكۋستيكالىق تەراپيا - وكپەنى جەلدەتۋدى جاقسارتادى؛

تراحەوبرونحيالدى درەنيرلەۋدى بەلسەندى ەتەدى؛ وكپە ءتىنىنىڭ ينفيلتراتسياسىن شەشۋدى جەدەلدەتەدى؛

وكپەنى جاساندى جەلدەتۋ اپپاراتتارىن قولدانۋ مەرزىمىن قىسقارتادى جانە ءجىتى رەسپيراتورلىق ديسترەسس- سيندرومنىڭ دامۋ قاۋپىن تومەندەتۋگە ىقپال ەتەدى. ايتا كەتۋ كەرەك، بۇل اپپاراتى ازىرلەۋشى جانە ءوندىرۋشى وتاندىق BERK Technology كومپانياسى. كاسىپورىن وتاندىق ءونىمدى ب ا ءا، سينگاپۋر، رەسەي، وزبەكستان جانە باسقا دا ەلدەرگە ەكسپورتتايدى.


سوڭعى جاڭالىقتار