رامىزدەر كۇنى: وسكەمەندە تۋ مەن ەلتاڭبا بەينەلەنگەن الىپ شار ۇشىرىلدى

None
None
وسكەمەن. قازاقپارات - شىعىس قازاقستان وبلىسىندا كوروناۆيرۋس پاندەمياسىنا بايلانىستى مەملەكەتتىك رامىزدەر كۇنىنە وراي 5 مىڭنان استام ادام قامتىلعان ءىس- شارالار ونلاين وتكىزىلدى، دەپ حابارلايدى قازاقپارات ءتىلشىسى.

ش ق و اقپارات ورتالىعىنىڭ مالىمەتىنە سۇيەنسەك، مەرەكە قارساڭىندا وسكەمەن قالاسىنداعى مەكتەپ وقۋشىلارى اراسىندا «بۇل - مەنىڭ تۋىم!»، «بۇل - مەنىڭ ءانۇرانىم!»، «بۇل - مەنىڭ ەلتاڭبام!» تاقىرىپتارىندا ەسسە جازۋ جانە سۋرەت سالۋ بايقاۋى جاريالانعان.


سونداي- اق شاھار جاستارى «مەنىڭ رامىزدەرىم - مەنىڭ ماقتانىشىم» ينتەرنەت- اكتسياسى اياسىندا مەملەكەتتىك ءرامىز فونىندا تۇسكەن فوتوسۋرەتتەرىن الەۋمەتتىك جەلىگە سالدى. مەملەكەتتىك رامىزدەر كۇنى ءانۇران ايتۋدان باستالدى. وسىدان كەيىن قازاقستان تاۋىنىڭ بوكتەرىنەن تۋ مەن ەلتاڭبا بەينەلەنگەن شار ۇشىرىلدى.


بۇدان بولەك، ەرتىس وزەنىنىڭ بويىندا 40 تۋى بار قايىق شەرۋى وتكىزىلدى. ال سەمەيدە پاتريوتتىق اندەردىڭ ونلاين- بايقاۋى ءوتتى. اۋدانداردا «مەنىڭ تۋىم - مەنىڭ ماقتانىشىم» فلەشموبى، مەملەكەتتىك رامىزدەر كورمەسى، ونلاين- ۆيكتورينا ۇيىمداستىرىلىپ، ەتنومادەني بىرلەستىك مۇشەلەرى ازىرلەگەن بەينەروليك كورسەتىلدى. Nur Otan پارتياسىنىڭ «مەنىڭ تۋىم، مەنىڭ وتانىم» اتتى اكتسياسىنىڭ اياسىندا ەلىمىزدىڭ كوك بايراعى ساۋدا ورتالىقتارى مەن وقۋ ورىندارىنا، الاڭدار مەن كوشەلەرگە ءىلىندى.

«مەنىڭ تۋىم» اكسياسى اياسىندا كوپقاباتتى ۇيلەردىڭ بالكوندارىنا 223 مەملەكەتتىك تۋ ورناتىلدى.


سوڭعى جاڭالىقتار