16:12, 04 - ماۋسىم 2020 | GMT +6
مەملەكەت باسشىسى ۇلتتىق قاۋىپسىزدىك جۇيەسىن جەتىلدىرۋگە قاتىستى ءبىرقاتار تاپسىرما بەردى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ۇلتتىق قاۋىپسىزدىك كوميتەتى القاسىنىڭ كەڭەيتىلگەن وتىرىسىن وتكىزدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى وتكىزگەن جيىنعا ۇلتتىق قاۋىپسىزدىك كوميتەتى ورتالىق اپپاراتىنىڭ جانە ايماقتىق بولىمشەلەرىنىڭ باسقارۋشى قۇرامى قاتىستى. جيىن الدىندا قاسىم- جومارت توقايەۆ قىزمەتتىك مىندەتتەرىن اتقارۋ كەزىندە قازا بولعان ۇ ق ك ورگاندارى قىزمەتكەرلەرىن ەسكە الۋعا ارنالعان ستەلاعا گۇل شوقتارىن قويدى.
سونداي- اق ۇ ق ك ورتالىق اپپاراتىنىڭ 2017 -جىلى قايتا جوندەۋدەن وتكەن مۋزەيىندەگى تاۋەلسىزدىك العان ساتتەن بەرگى كوميتەتتىڭ دامۋ تاريحىن قامتيتىن ەكسپوزيتسيانى كوردى. وتىرىس بارىسىندا قازاقستان پرەزيدەنتى ۇ ق ك ءتوراعاسى كارىم ءماسىموۆتىڭ بايانداماسىن، كوميتەتتىڭ قۇرىلىمدىق جانە ايماقتىق ورگاندارى باسشىلارىنىڭ ەسەبىن تىڭدادى. جيىن سوڭىندا مەملەكەت باسشىسى ۇلتتىق قاۋىپسىزدىك جۇيەسىن ودان ءارى جەتىلدىرۋ ماقساتىندا ءبىرقاتار ناقتى تاپسىرما بەردى.
