مۇعالىمدەر كۇنىنە ەكى قۇجاتتى عانا تولتىرادى - اسحات ايماعامبەتوۆ

None
None
نۇر- سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ پەداگوگتاردى ارتىق شارۋادان بوساتۋ جۇمىستارى تۋرالى ايتىپ بەردى، دەپ حابارلايدى قازاقپارات ءتىلشىسى.

«پەداگوگ جۇمىسىنىڭ ساپاسى وقۋشىلاردىڭ ءبىلىم ساپاسىنا تىكەلەي اسەر ەتەدى. سوندىقتان، پەداگوگ ارتىق شارۋامەن اينالىسپاۋى كەرەك. بالالاردىڭ ءبىلىمى مەن تاربيەسىنە جۇمىس ىستەيتىنىن ءتۇسىنۋى كەرەك. سوندىقتان، ءبىز ءارى قاراي پەداگوگ مارتەبەسىن كوتەرۋدى، ارىپتەستەرىمىزدى قولداۋ مەن دامىتۋ ءۇشىن جاعداي جاساۋدى جالعاستىرامىز»، - دەدى مينيستر فەيسبۋك جەلىسىندە حالىق الدىندا ەسەپ بەرۋ بارىسىندا.

ونىڭ ايتۋىنشا، مۇعالىم جۇكتەمەسىن ازايتۋ ءۇشىن قۇجاتتار سانى دا قىسقارتىلعان.

«ەندى مۇعالىمدەر كۇنىنە ەكى قۇجاتتى عانا تولتىرادى. بۇل جۇمىستاردى قايتادان قاراستىرىپ جاتىرمىز. بۇل تەك مەكتەپ مۇعالىمدەرىنە ەمەس، مەكتەپكە دەيىنگى ۇيىمداردىڭ، كوللەدج، جوعارى جانە جوعارعى بىلىمنەن كەيىنگى ۇيىمداردىڭ پەداگوگتارىنا قاتىستى. پەداگوگ تىكەلەي ءوز فۋنكسيالارىمەن عانا اينالىسۋى كەرەك. تەكسەرۋشىلەرگە ەسەپ بەرۋ سىندى ماسەلەلەردى قايتا قاراپ، شەكتەۋلەردى الىپ تاستادىق»، - دەدى ا. ايماعامبەتوۆ.

اۆتور: ايجان سەرىكجان قىزى

سوڭعى جاڭالىقتار