+7 (701) 759 90 19
21 °С : نۇر-سۇلتان
26 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

ءتىل ءبىلىمى، شىعىس تانۋ جانە مەملەكەت تاريحى ينستيتۋتتارىنا جاڭا باسشىلار تاعايىندالدى

3 ماۋسىم 22:00
:ءبولىسۋ
ءتىل ءبىلىمى، شىعىس تانۋ جانە مەملەكەت تاريحى ينستيتۋتتارىنا جاڭا باسشىلار تاعايىندالدى

نۇر-سۇلتان. قازاقپارات – ق ر ب ع م عىلىم كوميتەتىنىڭ ۆەدومستۆولىق باعىنىستى ۇيىمدارىندا ءبىرقاتار كادرلىق تاعايىنداۋلار بولدى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

رەسپۋبليكالىق عىلىمي-زەرتتەۋ ينستيتۋتتارى باسشىلارىنىڭ بوس لاۋازىمدارىنا كانديداتۋرالاردى ىرىكتەۋ جونىندەگى كونكۋرستىق كوميسسيانىڭ ۇسىنىمدارى نەگىزىندە ق ر ءبىلىم جانە عىلىم مينيسترلىگى عىلىم كوميتەتى ءتوراعاسىنىڭ بۇيرىعىمەن:

انار فازىلجانوۆا - ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى بولىپ تاعايىندالدى. 2018 -جىلدان باستاپ شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ عالىم حاتشىسى قىزمەتىن اتقارعان انار فازىلجانوۆا فيلولوگيا عىلىمدارىنىڭ كانديداتى.

ول ا. بايتۇرسىن ۇلى اتىنداعى ءتىل ءبىلىمى ينستيتۋتىندا 22 جىل جۇمىس ىستەپ، جەتەكشى عىلىمي قىزمەتكەردەن باستاپ عىلىمي حاتشى مەن ينستيتۋت ديرەكتورىنىڭ ورىنباسارىنا دەيىنگى بارلىق ساتىلارىنان وتكەن. انار فازىلجانوۆا - ينتوناتسيا، ينتونولوگيا، فونەتيكا، ورفوەپيا، تاريحي فونەتيكا، لەكسيكوگرافيا، ۇشتىلدىلىك، الفاۆيتتى اۋىستىرۋ جانە مەملەكەتتىك ءتىلدىڭ باسقا دا ماسەلەلەرى بويىنشا 200-دەن استام عىلىمي جاريالانىمنىڭ اۆتورى.

سونداي-اق، لاتىن گرافيكاسى نەگىزىندەگى قازاق الفاۆيتىنىڭ تەوريالىق جانە پراكتيكالىق نەگىزدەرى بويىنشا ۆيدەولەكسيالاردىڭ سيكلدارىن كوپشىلىككە تاراتۋ جەلىسىندە ازىرلەنگەن «دۇرىس سويلەيىك» (kitap.kz) پودكاستىنىڭ اۆتورى. انار مۇرات قىزى - جاس عالىمدارعا ارنالعان عىلىم مەن تەحنيكا سالاسىنداعى سىيلىقتىڭ لاۋرەاتى جانە تۇڭعىش پرەزيدەنتى قورى گرانتىنىڭ يەگەرى؛


دۇكەن ءماسىمحان ۇلى - ر. سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى بولىپ تاعايىندالدى. پەكين قالاسىنداعى ورتالىق ۇلتتار ۋنيۆەرسيتەتىنىڭ تۇلەگى، فيلولوگيا عىلىمدارىنىڭ دوكتورى، پروفەسسور دۇكەن ءماسىمحان ۇلى 90-جىلداردىڭ باسىندا ءاتاجۇرتىنا ورالىپ، وقىتۋشىلىق جانە عىلىمي زەرتتەۋ جۇمىستارىمەن اينالىستى. دۇكەن ءماسىمحان ۇلى «قىتاي تۋرالى قىرىق ءسوز»، «قىتايشا- قازاقشا ۇلكەن سوزدىك»، ءۇش تومدىق «دۇكەن ءماسىمحان ۇلى. تاڭدامالى»، بەس تومدىق «قىتاي ادەبيەتىنەن تاڭدامالى ۇلگىلەر» كىتاپتارىنىڭ اۆتورى. د. ءماسىمحان ۇلىنىڭ 300 دەن استام عىلىمي جانە ادىستەمەلىك جۇمىستارى شەتەلدىك باسىلىمداردا جانە ەلىمىزدىڭ جەتەكشى باسىلىمدارىندا جارىق كوردى؛


ەركىن ءابىل - مەملەكەت تاريحى ينستيتۋتىنىڭ ديرەكتورى بولىپ تاعايىندالدى. تاريح عىلىمدارىنىڭ دوكتورى، پروفەسسور ەركىن امانجول ۇلى ءوز ەڭبەك جولىن وقىتۋشى بولىپ باستاعان. ءار جىلدارى قوستاناي مەملەكەتتىك پەداگوگيكالىق ينستيتۋتىنىڭ عىلىمي جۇمىس جانە شەتەلدىك بايلانىس جونىندەگى پرورەكتورى، ءو. سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنىڭ رەكتورى بولىپ جۇمىس ىستەدى.

ەركىن امانجول ۇلى – 200 دەن استام عىلىمي باسىلىمداردىڭ، سونىڭ ىشىندە 22 مونوگرافيا، 26 وقۋلىق پەن وقۋ قۇرالدارىنىڭ، سونىمەن قاتار ISI ،Scopus بازالارىنا كىرەتىن جۋرنالداردا جارىق كورگەن 7 ماقالانىڭ اۆتورى. «قازاقستان حالقى اسسامبلەياسىنا 20 جىل»، «قازاقستان رەسپۋبليكاسىنىڭ تاۋەلسىزدىگىنە 25 جىل»، «قازاقستان ءماسليحاتتارىنا 25 جىل» مەرەيتويلىق مەدالدارىمەن جانە «قازاقستان رەسپۋبليكاسىنىڭ عىلىمىن دامىتۋعا سىڭىرگەن ەڭبەگى ءۇشىن»، «ءبىلىم جانە عىلىم قىزمەتكەرلەرى كاسىپوداعىنىڭ قىزمەتىنە سىڭىرگەن ەڭبەگى ءۇشىن» توسبەلگىلەرىمەن ماراپاتتالعان. 2014 -جىلى ەركىن ءابىل جوعارى وقۋ ورنىنىڭ ۇزدىك وقىتۋشىسى اتانعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات