بيىل تامىز ايىندا جازعى مەكتەپ ىسكە قوسىلادى – ءبىلىم جانە عىلىم مينيسترلىگى

None
None
نۇر- سۇلتان. قازاقپارات - بيىل تامىز ايىندا ءبىلىم جانە عىلىم مينيسترلىگى جازعى مەكتەپتى ىسكە قوسپاق. بۇل تۋرالى ءبىلىم جانە عىلىم مينيسترلىگى ۇيىمداستىرعان ونلاين بريفينگىدە ايتىلدى، دەپ حابارلايدى قازاقپارات ءتىلشىسى.

«ءبىز ەلەكتروندىق فورماتتى قۇجات وتكىزۋ جۇيەسىن اتا- انالار ءۇشىن بارىنشا ىڭعايلى ەتىپ جاسادىق. ءبىلىم جانە عىلىم مينيسترلىگى مۇنداي قىزمەت ءتۇرىن ءبىرىنشى رەت ىسكە قوسقاندىقتان، اياعىنا دەيىن جەتكىزۋى كەرەك ءبىراز جۇمىس بار»، - دەدى ق ر ب ع م ءبىلىم بەرۋ سيفرلىق ترانسفورماتسيالاۋ دەپارتامەنتىنىڭ ديرەكتورى قانات كەنباي.

سونداي- اق، ق ر ب ع م مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا 1-سىنىپ وقۋشىلارىنان جازۋ، وقۋ، ساناۋدى ءبىلىپ بارۋ تالاپ ەتىلمەيتىنىن ايتتى.

«1-سىنىپ وقۋشىلارىنان جازۋ، وقۋ، ساناۋدى ءبىلىپ بارۋ تالاپ ەتىلمەيدى. ەكىنشىدەن، توتەنشە جاعداي رەجيمىنىڭ اياقتالۋىنا بايلانىستى بالاباقشالار وتكەن جىلعى وقۋ باعدارلاماسىن قايتالاپ وقىتادى. ودان بولەك، بيىل تامىز ايىندا ءبىلىم جانە عىلىم مينيسترلىگى جازعى مەكتەپتى ىسكە قوسپاق. بۇل ايدا ءتورتىنشى توقساندا وقىلماي قالعان تاقىرىپتاردى وقىپ، تاپسىرمالاردى ورىندايدى»، - دەيدى ول.

اۆتور: زارينا قاھارمان

سوڭعى جاڭالىقتار