الماتىدا ءىرى ساۋدا ورىندارىندا رەيد جۇرگىزىلدى

None
None
الماتى. قازاقپارات - الماتىدا كارانتيننەن كەيىن اشىلعان اۋدانى 4 مىڭ شارشى مەتردەن اساتىن ساۋدا ورىندارىندا رەيد جۇرگىزىلدى، دەپ حابارلايدى قازاقپارات ءتىلشىسى.

25-مامىردان كەيىن قالادا مەيرامحانالار، حيميالىق تازالاۋ ورىندارى، سۇلۋلىق سالوندارى، بۋتيكتەر، ساۋدا ويىن ساۋىق ورتالىقتارى اشىلعان بولاتىن.

قالالىق باس سانيتارلىق دارىگەردىڭ قاۋلىسىمەن بۇل نىساندار كەشكى 23:00 ارالىعىندا جۇمىس ىستەيدى. كاسىپكەرلەردەن سانيتارلىق تالاپتاردى ساقتاۋ قاتاڭ تالاپ ەتىلەدى.

ءار نىسانعا كىرمەس بۇرىن دەنە قىزۋىن ولشەۋ كەرەك، سانيتايزەرلەر ورنالاستىرىلۋى ءتيىس.

بۇگىن جەتىسۋ اۋداندىق اكىمدىگى مەن سانيتارلىق ەپيدەميولوگيالىق قىزمەتىنىڭ وكىلدەرى «بەلەس» ساۋدا ءۇيىن ارالاپ كوردى.

«رەيد بارىسىندا كوپتەگەن بۋتيكتەردە سانيتارلىق تالاپتاردىڭ بۇزىلعانى انىقتالدى. دۇكەن سورەلەرى تازالانباعان، دەزينفەكسيالىق قۇرالداردىڭ قوسىمشا قۇجاتتارى جوق. كەي ساۋداگەرلەر قولعاپ پەن ماسكاسىز جۇمىس ىستەپ جاتىر. شاعىن مەكەمەلەردە 3 ادامنان ارتىق بولماۋى ءتيىس. ادامداردىڭ ارا قاشىقتىعى 1 مەتر بولۋى قاجەت»، - دەدى جەتىسۋ اۋداندىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ءبولىم باسشىسى بولسىناي شالىسبايەۆا.

ونىڭ ايتۋىنشا، ەرەجە بۇزعان نىسان باسشىلارىنا ءتۇسىندىرۋ جۇمىستارى جۇرگىزىلەدى.

كاسىپكەرلەر اۋداندىق اكىمدىككە شاقىرىلعان. ساۋدا ورنىنىڭ دامۋ بويىنشا مەنەدجەرى بۇل نىساندا 150 ش و ب سۋبەكتىسى جۇمىس ىستەپ جاتقانىن ايتتى.

عيماراتقا كىرەبەرىستە دەزينفەكسيالىق ءدالىز ورناتىلعان. كەلۋشىلەردىڭ دەنە قىزۋى تەكسەرىلەدى.

مۇنىڭ الدىندا قالانىڭ باس سانيتارلىق دارىگەرى جانداربەك بەكشين قالادا رەيد شارالارى ءجيى جۇرگىزىلىپ تۇراتىنىن ايتقان بولاتىن. تەكسەرۋ ناتيجەسىندە 39 نىساننىڭ جۇمىسى توقتاتىلعان.

سوڭعى جاڭالىقتار