يتاليادا كوروناۆيرۋستىڭ كەسىرىنەن وكپەسىنەن ايىرىلعان جىگىتكە «جاڭا» وكپە سالىندى

None
None
ميلان. ANSA - قازاقپارات - يتاليادا COVID-19 سالدارىنان تىنىس الۋ ورگانىنان ايىرىلعان 18 جاستاعى جىگىتتىڭ وكپەسى اۋىستىرىلدى، دەپ حابارلايدى قازاقپارات ANSA- عا سىلتەمە جاساپ.

بۇل - ەۋروپادا جاسالعان وسىنداي العاشقى وتا. وپەراتسيا ميلانداعى اۋرۋحانادا جاسالدى.

فرانچەسكو ەسىمدى جىگىتتە 2-ناۋرىزدا كوروناۆيرۋس ينفەكسياسىنىڭ بەلگىلەرى پايدا بولعان، 6-ناۋرىزدا ول ميلانداعى سان- راففاەلە اۋرۋحاناسىنىڭ جانساقتاۋ بولىمىنە جاتقىزىلدى. 23-ناۋرىزدا جاساندى قان اينالىمى قۇرىلعىسىنا قوسىلدى.

سوعان قاراماستان، كوروناۆيرۋس ينفەكسياسىنىڭ اۋىر تۇرىنە شالدىققاندىقتان ونىڭ وكپەسى ىستەمەي قالدى. ءساۋىردىڭ ورتاسىندا سان-راففاەلە دارىگەرلەرى ناۋقاستىڭ وكپەسىن اۋىستىرۋ تۋرالى شەشىم قابىلدادى.

بۇعان دەيىن وسىنداي وپەراتسيا تەك قىتايدا جاسالىپ كەلگەن. ءبىراق، ميلانداعى وكپە ترانسپلانتاتسياسىنان كەيىن بىرنەشە كۇن وتكەن سوڭ مۇنداي وتا ۆەنادا دا جاسالدى.

مەملەكەتتىك ۋنيۆەرسيتەتتىڭ كوكىرەك قۋىسى حيرۋرگياسى مەكتەبىنىڭ باسشىسى ماريو نوزوتتيدىڭ ايتۋىنشا، وپەراتسيا كۇردەلى بولعان. ەندى جاس جىگىت ۇزاق ۋاقىت وڭالتۋدان وتەدى.

سوڭعى جاڭالىقتار