18:57, 02 - ماۋسىم 2020 | GMT +6
بلوكبەكەتتەگى قايعىلى وقيعا: زارداپ شەككەن ءۇشىنشى پوليتسەيدىڭ جاعدايى بەلگىلى بولدى
نۇر-سۇلتان. قازاقپارات – الماتىداعى بلوكبەكەتتە بولعان قايعىلى وقيعا كەزىندە زارداپ شەككەن پوليتسيا قىزمەتكەرىنىڭ جاعدايى جاقسارىپ كەلەدى، - دەپ حابارلايدى «حابار 24» تەلەارناسى.
تەلەارنا مالىمەتىنشە، بۇگىندە ناۋقاس جانساقتاۋ بولىمىنەن پروفيلدى نەيروحيرۋرگيا بولىمىنە اۋىستىرىلعان. اۋىر جاراقات العان ازاماتتىڭ باسىنا دارىگەرلەر شۇعىل تۇردە وپەراتسيا جاساعان بولاتىن.
«ناۋقاستىڭ قازىرگى جاعدايى ورتاشا اۋىرلىقتا. الدىڭعى كۇنگە قاراعاندا نەۆرولوگيالىق بەلگىلەرىندە وزگەرىس جوق. ەم الىپ جاتىر. وپەراتسيا جاسالعان جارانى كۇتۋ جانە رەابليتاتسيا قاجەت»، - دەيدى نەيروحيرۋرگ ەرلان تۇبەلبايەۆ.
ەسكە سالايىق، 25-مامىردا تاڭعى ساعات 5 جارىمدا 1992- جىلى تۋىلعان ازامات BMW ماركالى كولىگىمەن ماس كۇيىندە بلوكبەكەتتەگى پوليتسيا كولىگىن سوعىپ، وقيعا ورنىندا ەكى پوليتسيا قىزمەتكەرى قايتىس بولىپ، بىرەۋى اۋىر حالدە اۋرۋحاناعا جەتكىزىلگەن ەدى.