كۇن سايىن ينفەكسيادان ەمدەلگەندەر سانى ارتىپ كەلەدى - ايجان ەسماعامبەتوۆا
بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
«قازاقستاندا كوروناۆيرۋس جۇقتىرعان ادامدار سانى 11571 بولدى، 41 ناۋقاس قايتىس بولدى. كۇن سايىن ينفەكسيادان ەمدەلگەن سانى ارتىپ كەلەدى. قازىرگى كەزدە ادامدار جۇمىستارىنا ورالىپ جاتىر، كوشەدە ءجۇرۋ تالاپتارى جەڭىلدەتىلدى»، - دەدى ا. ەسماعامبەتوۆا.
ونىڭ پايىمىنشا، الەۋمەتتىك قارىم-قاتىناستىڭ ارتۋى ينفەكسيانىڭ تارالۋىنىڭ جوعارىلاۋىنا الىپ كەلۋى مۇمكىن.
«اتاپ ايتقاندا، تەڭگەرىمدى جانە ينفەكسيا تارالۋىنىڭ باقىلاناتىن دەڭگەيىن ساقتاۋ كوبىنە تۇرعىنداردىڭ وزدەرىنە بايلانىستى. بۇل تۇرعىدا ءار ادام ءوز ورنىندا پروفيلاكتيكا شارالارىن ورىنداۋ دەڭگەيىنە قاتىستى بولىپ تۇر. بيزنەس نىساندارى، جۇمىس بەرۋشىلەر، سونداي-اق تۇرعىندار قىزمەت الاتىن جەرلەردە ءتيىستى ەرەجەنى ساقتاپ، ىندەتتىڭ تارالماۋىنا ۇلەسىن قوسۋى ءتيىس»، - دەدى باس مەملەكەتتىك سانيتار دارىگەرى.
بۇدان بۇرىن حابارلانعانداي، قازاقستاندا كوروناۆيرۋس جۇقتىرعان بۇقارالىق اقپارات قۇرالدارىنىڭ جەتى وكىلى تىركەلدى.